호흡부호 보기
강세부호 보기
장단부호 보기
작은 Iota 보기
모든 부호 보기
ὦ φίλταται γυναῖκεσ, ἅνδρεσ αὐτίκα τελοῦσι τοὔργον· ἀλλὰ σῖγα πρόσμενε. πῶσ δή; τί νῦν πράσσουσιν; ἡ μὲν ἐσ τάφον λέβητα κοσμεῖ, τὼ δ’ ἐφέστατον πέλασ. σὺ δ’ ἐκτὸσ ᾖξασ πρὸσ τί; φρουρήσουσ’ ὅπωσ Αἴγισθοσ ἡμᾶσ μὴ λάθῃ μολὼν ἔσω. αἰαῖ. ἰὼ στέγαι φίλων ἔρημοι, τῶν δ’ ἀπολλύντων πλέαι. βοᾷ τισ ἔνδον· οὐκ ἀκούετ’, ὦ φίλαι; ἤκουσ’ ἀνήκουστα δύστανοσ, ὥστε φρῖξαι. οἴμοι τάλαιν’· Αἴγισθε, ποῦ ποτ’ ὢν κυρεῖσ; ἰδοὺ μάλ’ αὖ θροεῖ τισ. ὦ τέκνον τέκνον, οἴκτιρε τὴν τεκοῦσαν. ἀλλ’ οὐκ ἐκ σέθεν ᾠκτίρεθ’ οὗτοσ οὐδ’ ὁ γεννήσασ πατήρ. ὦ πόλισ, ὦ γενεὰ τάλαινα, νῦν σοι μοῖρα καθαμερία φθίνει φθίνει. ὤμοι πέπληγμαι. παῖσον, εἰ σθένεισ, διπλῆν. ὤμοι μάλ’ αὖθισ. εἰ γὰρ Αἰγίσθῳ θ’ ὁμοῦ. τελοῦσ’ ἀραί· ζῶσιν οἱ γᾶσ ὑπαὶ κείμενοι. παλίρρυτον γὰρ αἷμ’ ὑπεξαιροῦσι τῶν κτανόντων οἱ πάλαι θανόντεσ.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기