Sophocles, episode 3:

(소포클레스, episode 3:)

ἡμεῖσ δὲ πατρὸσ τύμβον, ὡσ ἐφίετο, λοιβαῖσι πρῶτον καὶ καρατόμοισ χλιδαῖσ στέψαντεσ εἶτ’ ἄψορρον ἥξομεν πάλιν, τύπωμα χαλκόπλευρον ἠρμένοι χεροῖν, ὃ καὶ σὺ θάμνοισ οἶσθά που κεκρυμμένον, ὅπωσ λόγῳ κλέπτοντεσ ἡδεῖαν φάτιν φέρωμεν αὐτοῖσ, τοὐμὸν ὡσ ἔρρει δέμασ φλογιστὸν ἤδη καὶ κατηνθρακωμένον. τί γάρ με λυπεῖ τοῦθ’, ὅταν λόγῳ θανὼν ἔργοισι σωθῶ κἀξενέγκωμαι κλέοσ; δοκῶ μέν, οὐδὲν ῥῆμα σὺν κέρδει κακόν. ἤδη γὰρ εἶδον πολλάκισ καὶ τοὺσ σοφοὺσ λόγῳ μάτην θνῄσκοντασ· εἶθ’, ὅταν δόμουσ ἔλθωσιν αὖθισ, ἐκτετίμηνται πλέον· ὡσ κἄμ’ ἐπαυχῶ τῆσδε τῆσ φήμησ ἄπο δεδορκότ’ ἐχθροῖσ ἄστρον ὣσ λάμψειν ἔτι. ἀλλ’, ὦ πατρῴα γῆ θεοί τ’ ἐγχώριοι, δέξασθέ μ’ εὐτυχοῦντα ταῖσδε ταῖσ ὁδοῖσ, σύ τ’, ὦ πατρῷον δῶμα· σοῦ γὰρ ἔρχομαι δίκῃ καθαρτὴσ πρὸσ θεῶν ὡρμημένοσ· καὶ μή μ’ ἄτιμον τῆσδ’ ἀποστείλητε γῆσ, ἀλλ’ ἀρχέπλουτον καὶ καταστάτην δόμων. εἴρηκα μέν νυν ταῦτα· σοὶ δ’ ἤδη, γέρον, τὸ σὸν μελέσθω βάντι φρουρῆσαι χρέοσ. νὼ δ’ ἔξιμεν· καιρὸσ γάρ, ὅσπερ ἀνδράσιν μέγιστοσ ἔργου παντόσ ἐστ’ ἐπιστάτησ.

목록

일치하는 문장이 없습니다.

SEARCH

MENU NAVIGATION