Sophocles, Ajax, episode 2:

(소포클레스, Ajax, episode 2:)

δύστηνε, ποῖ βλέπων ποτ’ αὐτὰ καὶ θροεῖσ; οὐκ οἶσθα σοῦ πατρὸσ μὲν ὃσ προύφυ πατὴρ ἀρχαῖον ὄντα Πέλοπα βάρβαρον Φρύγα; Ἀτρέα δ’, ὃσ αὖ σ’ ἔσπειρε δυσσεβέστατον, προθέντ’ ἀδελφῷ δεῖπνον οἰκείων τέκνων; αὐτὸσ δὲ μητρὸσ ἐξέφυσ Κρήσσησ, ἐφ’ ᾗ λαβὼν ἐπακτὸν ἄνδρ’ ὁ φιτύσασ πατὴρ ἐφῆκεν ἐλλοῖσ ἰχθύσιν διαφθοράν. τοιοῦτοσ ὢν τοιῷδ’ ὀνειδίζεισ σποράν; ὃσ ἐκ πατρὸσ μέν εἰμι Τελαμῶνοσ γεγώσ, ὅστισ στρατοῦ τὰ πρῶτ’ ἀριστεύσασ ἐμὴν ἴσχει ξύνευνον μητέρ’, ἣ φύσει μὲν ἦν βασίλεια, Λαομέδοντοσ· ἔκκριτον δέ νιν δώρημα κείνῳ ’δωκεν Ἀλκμήνησ γόνοσ. ἆρ’ ὧδ’ ἄριστοσ ἐξ ἀριστέοιν δυοῖν βλαστὼν ἂν αἰσχύνοιμι τοὺσ πρὸσ αἵματοσ, οὓσ νῦν σὺ τοιοῖσδ’ ἐν πόνοισι κειμένουσ ὠθεῖσ ἀθάπτουσ, οὐδ’ ἐπαισχύνει λέγων; εὖ νυν τόδ’ ἴσθι, τοῦτον εἰ βαλεῖτέ που, βαλεῖτε χἠμᾶσ τρεῖσ ὁμοῦ συγκειμένουσ. ἐπεὶ καλόν μοι τοῦδ’ ὑπερπονουμένῳ θανεῖν προδήλωσ μᾶλλον ἢ τῆσ σῆσ ὑπὲρ γυναικόσ, ἢ τοῦ σοῦ γ’ ὁμαίμονοσ λέγω; πρὸσ ταῦθ’ ὁρ́α μὴ τοὐμόν, ἀλλὰ καὶ τὸ σόν· ὡσ εἴ με πημανεῖσ τι, βουλήσει ποτὲ καὶ δειλὸσ εἶναι μᾶλλον ἢ ’ν ἐμοὶ θρασύσ.

상위

Ajax

목록

일치하는 문장이 없습니다.

SEARCH

MENU NAVIGATION