헬라어 문장 검색 - Σοπηοξ́Αςαχ́13́0́1́

(소포클레스, Ajax, episode 1:)

ὦ τῶν ἁπάντων δὴ θεαμάτων ἐμοὶ ἄλγιστον ὧν προσεῖδον ὀφθαλμοῖσ ἐγώ, ὁδόσ θ’ ὁδῶν πασῶν ἀνιάσασα δὴ μάλιστα τοὐμὸν σπλάγχνον, ἣν δὴ νῦν ἔβην. ὦ φίλτατ’ Αἰάσ, τὸν σὸν ὡσ ἐπῃσθόμην μόρον διώκων κἀξιχνοσκοπούμενοσ. ὀξεῖα γάρ σου βάξισ ὡσ θεοῦ τινοσ διῆλθ’ Ἀχαιοὺσ πάντασ ὡσ οἴχει θανών. ἁγὼ κλύων δύστηνοσ ἐκποδὼν μὲν ὢν ὑπεστέναζον, νῦν δ’ ὁρῶν ἀπόλλυμαι. οἴμοι. ἴθ’, ἐκκάλυψον, ὡσ ἴδω τὸ πᾶν κακόν. ὦ δυσθέατον ὄμμα καὶ τόλμησ πικρᾶσ, ὅσασ ἀνίασ μοι κατασπείρασ φθίνεισ. ποῖ γὰρ μολεῖν μοι δυνατόν, εἰσ ποίουσ βροτούσ, τοῖσ σοῖσ ἀρήξαντ’ ἐν πόνοισι μηδαμοῦ; ἦ πού με Τελαμών, σὸσ πατὴρ ἐμόσ θ’ ἅμα, δέξαιτ’ ἂν εὐπρόσωποσ ἵλεώσ τ’ ἴσωσ χωροῦντ’ ἄνευ σοῦ. πῶσ γὰρ οὔχ; ὅτῳ πάρα μηδ’ εὐτυχοῦντι μηδὲν ἥδιον γελᾶν. οὗτοσ τί κρύψει; ποῖον οὐχ ἐρεῖ κακὸν τὸν ἐκ δορὸσ γεγῶτα πολεμίου νόθον, τὸν δειλίᾳ προδόντα καὶ κακανδρίᾳ σέ, φίλτατ’ Αἰάσ, ἢ δόλοισιν, ὡσ τὰ σὰ κράτη θανόντοσ καὶ δόμουσ νέμοιμι σούσ. τοιαῦτ’ ἀνὴρ δύσοργοσ, ἐν γήρᾳ βαρύσ, ἐρεῖ, πρὸσ οὐδὲν εἰσ ἔριν θυμούμενοσ. τέλοσ δ’ ἀπωστὸσ γῆσ ἀπορριφθήσομαι, δοῦλοσ λόγοισιν ἀντ’ ἐλευθέρου φανείσ. τοιαῦτα μὲν κατ’ οἶκον· ἐν Τροίᾳ δέ μοι πολλοὶ μὲν ἐχθροί, παῦρα δ’ ὠφελήσιμα. καὶ ταῦτα πάντα σοῦ θανόντοσ ηὑρόμην. οἴμοι, τί δράσω; πῶσ σ’ ἀποσπάσω πικροῦ· τοῦδ’ αἰόλου κνώδοντοσ, ὦ τάλασ, ὑφ’ οὗ φονέωσ ἄρ’ ἐξέπνευσασ; εἶδεσ ὡσ χρόνῳ ἔμελλέ σ’ Ἕκτωρ καὶ θανὼν ἀποφθίσειν; σκέψασθε, πρὸσ θεῶν, τὴν τύχην δυοῖν βροτοῖν. Ἕκτωρ μέν, ᾧ δὴ τοῦδ’ ἐδωρήθη πάρα, ζωστῆρι πρισθεὶσ ἱππικῶν ἐξ ἀντύγων ἐκνάπτετ’ αἰέν, ἔστ’ ἀπέψυξεν βίον· οὗτοσ δ’ ἐκείνου τήνδε δωρεὰν ἔχων πρὸσ τοῦδ’ ὄλωλε θανασίμῳ πεσήματι. ἆρ’ οὐκ Ἐρινὺσ τοῦτ’ ἐχάλκευσεν ξίφοσ κἀκεῖνον Αἵδησ, δημιουργὸσ ἄγριοσ; ἐγὼ μὲν οὖν καὶ ταῦτα καὶ τὰ πάντ’ ἀεὶ φάσκοιμ’ ἂν ἀνθρώποισι μηχανᾶν θεούσ· ὅτῳ δὲ μὴ τάδ’ ἐστὶν ἐν γνώμῃ φίλα, κεῖνόσ τ’ ἐκεῖνα στεργέτω κἀγὼ τάδε.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Sophocles, Ajax, episode 1:

(소포클레스, Ajax, episode 1:)

상위

목록

SEARCH

MENU NAVIGATION