Sophocles, Ajax, episode 3:

(소포클레스, Ajax, episode 3:)

δῶρον μὲν ἀνδρὸσ Ἕκτοροσ ξένων ἐμοὶ μάλιστα μισηθέντοσ ἐχθίστου θ’ ὁρᾶν· πέπηγε δ’ ἐν γῇ πολεμίᾳ τῇ Τρῳάδι, σιδηροβρῶτι θηγάνῃ νεηκονήσ· ἔπηξα δ’ αὐτὸν εὖ περιστείλασ ἐγώ, εὐνούστατον τῷδ’ ἀνδρὶ διὰ τάχουσ θανεῖν. οὕτω μὲν εὐσκευοῦμεν· ἐκ δὲ τῶνδέ μοι σὺ πρῶτοσ, ὦ Ζεῦ, καὶ γὰρ εἰκόσ, ἄρκεσον. αἰτήσομαι δέ σ’ οὐ μακρὸν γέρασ λαχεῖν. πέμψον τιν’ ἡμῖν ἄγγελον, κακὴν φάτιν Τεύκρῳ φέροντα, πρῶτοσ ὥσ με βαστάσῃ πεπτῶτα τῷδε περὶ νεορράντῳ ξίφει, καὶ μὴ πρὸσ ἐχθρῶν του κατοπτευθεὶσ πάροσ ῥιφθῶ κυσὶν πρόβλητοσ οἰωνοῖσ θ’ ἕλωρ. τοσαῦτά σ’, ὦ Ζεῦ, προστρέπω, καλῶ δ’ ἅμα πομπαῖον Ἑρμῆν χθόνιον εὖ με κοιμίσαι, ξὺν ἀσφαδάστῳ καὶ ταχεῖ πηδήματι πλευρὰν διαρρήξαντα τῷδε φασγάνῳ. καλῶ δ’ ἀρωγοὺσ τὰσ ἀεί τε παρθένουσ ἀεί θ’ ὁρώσασ πάντα τἀν βροτοῖσ πάθη, σεμνὰσ Ἐρινῦσ τανύποδασ, μαθεῖν ἐμὲ πρὸσ τῶν Ἀτρειδῶν ὡσ διόλλυμαι τάλασ, καί σφασ κακοὺσ κάκιστα καὶ πανωλέθρουσ ξυναρπάσειαν, ὥσπερ εἰσορῶσ’ ἐμὲ αὐτοσφαγῆ πίπτοντα, τὼσ αὐτοσφαγεῖσ πρὸσ τῶν φιλίστων ἐκγόνων ὀλοίατο. ἴτ’, ὦ ταχεῖαι ποίνιμοί τ’ Ἐρινύεσ, γεύεσθε, μὴ φείδεσθε πανδήμου στρατοῦ· σὺ δ’, ὦ τὸν αἰπὺν οὐρανὸν διφρηλατῶν Ἥλιε, πατρῴαν τὴν ἐμὴν ὅταν χθόνα ἴδῃσ, ἐπισχὼν χρυσόνωτον ἡνίαν ἄγγειλον ἄτασ τὰσ ἐμὰσ μόρον τ’ ἐμὸν γέροντι πατρὶ τῇ τε δυστήνῳ τροφῷ. ἦ που τάλαινα, τήνδ’ ὅταν κλύῃ φάτιν, ἥσει μέγαν κωκυτὸν ἐν πάσῃ πόλει. ἀλλ’ οὐδὲν ἔργον ταῦτα θρηνεῖσθαι μάτην, ἀλλ’ ἀρκτέον τὸ πρᾶγμα σὺν τάχει τινί. ὦ Θάνατε Θάνατε, νῦν μ’ ἐπίσκεψαι μολών. καίτοι σὲ μὲν κἀκεῖ προσαυδήσω ξυνών. σὲ δ’, ὦ φαεννῆσ ἡμέρασ τὸ νῦν σέλασ, καὶ τὸν διφρευτὴν Ἥλιον προσεννέπω, πανύστατον δὴ κοὔποτ’ αὖθισ ὕστερον. ὦ φέγγοσ, ὦ γῆσ ἱερὸν οἰκείασ πέδον Σαλαμῖνοσ, ὦ πατρῷον ἑστίασ βάθρον κλειναί τ’ Ἀθῆναι καὶ τὸ σύντροφον γένοσ κρῆναί τε ποταμοί θ’ οἵδε, καὶ τὰ Τρωϊκὰ πεδία προσαυδῶ, χαίρετ’, ὦ τροφῆσ ἐμοί· τοῦθ’ ὑμὶν Αἰάσ τοὔποσ ὕστατον θροεῖ, τὰ δ’ ἄλλ’ ἐν Αἵδου τοῖσ κάτω μυθήσομαι.

상위

Ajax

목록

일치하는 문장이 없습니다.

SEARCH

MENU NAVIGATION