Sophocles, Ajax, choral, strophe 3

ἰὼ σκότος, ἐμὸν φάος, ἔρεβος ὦ φαεννότατον, ὡς ἐμοί, ἕλεσθ ἕλεσθέ μ οἰκήτορα, ἕλεσθέ μ:? οὔτε γὰρ θεῶν γένος οὔθ ἁμερίων ἔτ ἄξιος βλέπειν τιν εἰς ὄνασιν ἀνθρώπων. ἀλλά μ ἁ Διὸς ἀλκίμα θεὸς ὀλέθρι αἰκίζει. ποῖ τις οὖν φύγῃ· ποῖ μολὼν μενῶ· εἰ τὰ μὲν φθίνει, φίλοι, τοιοῖσδ ὁμοῦ πέλας, μώραις δ ἄγραις προσκείμεθα, πᾶς δὲ στρατὸς δίπαλτος ἄν με χειρὶ φονεύοι. ὦ δυστάλαινα, τοιάδ ἄνδρα χρήσιμον φωνεῖν, ἃ πρόσθεν οὗτος οὐκ ἔτλη ποτ ἄν.?