헬라어 문장 검색 - Σοπηοξ́Αςαχ́01́0́4́

(소포클레스, Ajax, episode 4:)

εἰε͂ν, τί γὰρ δὴ παῖσ ὁ τοῦ Λαερτίου, ποῦ σοι τύχησ ἕστηκεν; ἢ πέφευγέ σε; ἦ τοὐπίτριπτον κίναδοσ ἐξήρου μ’ ὅπου; ἔγωγ’· Ὀδυσσέα τὸν σὸν ἐνστάτην λέγω. ἥδιστοσ, ὦ δέσποινα, δεσμώτησ ἔσω θακεῖ· θανεῖν γὰρ αὐτὸν οὔ τί πω θέλω. πρὶν ἂν τί δράσῃσ ἢ τί κερδάνῃσ πλέον; πρὶν ἂν δεθεὶσ πρὸσ κίον’ ἑρκείου στέγησ. τί δῆτα τὸν δύστηνον ἐργάσει κακόν; μάστιγι πρῶτον νῶτα φοινιχθεὶσ θάνῃ. μὴ δῆτα τὸν δύστηνον ὧδέ γ’ αἰκίσῃ. χαίρειν, Ἀθάνα, τἄλλ’ ἐγώ σ’ ἐφίεμαι· κεῖνοσ δὲ τίσει τήνδε κοὐκ ἄλλην δίκην. σὺ δ’ οὖν, ἐπειδὴ τέρψισ ἥδε σοι τὸ δρᾶν, χρῶ χειρί, φείδου μηδὲν ὧνπερ ἐννοεῖσ. χωρῶ πρὸσ ἔργον· σοὶ δὲ τοῦτ’ ἐφίεμαι, τοιάνδ’ ἀεί μοι σύμμαχον παρεστάναι. ὁρᾷσ, Ὀδυσσεῦ, τὴν θεῶν ἰσχὺν ὅση; τούτου τίσ ἄν σοι τἀνδρὸσ ἢ προνούστεροσ ἢ δρᾶν ἀμείνων ηὑρέθη τὰ καίρια; ἐγὼ μὲν οὐδέν’ οἶδ’· ἐποικτίρω δέ νιν δύστηνον ἔμπασ, καίπερ ὄντα δυσμενῆ, ὁθούνεκ’ ἄτῃ συγκατέζευκται κακῇ, οὐδὲν τὸ τούτου μᾶλλον ἢ τοὐμὸν σκοπῶν· ὁρῶ γὰρ ἡμᾶσ οὐδὲν ὄντασ ἄλλο πλὴν εἴδωλ’ ὅσοιπερ ζῶμεν ἢ κούφην σκιάν. τοιαῦτα τοίνυν εἰσορῶν ὑπέρκοπον μηδέν ποτ’ εἴπῃσ αὐτὸσ εἰσ θεοὺσ ἔποσ, μηδ’ ὄγκον ἄρῃ μηδέν’, εἴ τινοσ πλέον ἢ χειρὶ βρίθεισ ἢ μακροῦ πλούτου βάθει. ὡσ ἡμέρα κλίνει τε κἀνάγει πάλιν ἅπαντα τἀνθρώπεια· τοὺσ δὲ σώφρονασ θεοὶ φιλοῦσι καὶ στυγοῦσι τοὺσ κακούσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Sophocles, Ajax, episode 4:

(소포클레스, Ajax, episode 4:)

상위

목록

SEARCH

MENU NAVIGATION