헬라어 문장 검색 - Σοπηοξ́Αςαχ́01́0́2́

(소포클레스, Ajax, episode 2:)

ἔγνων, Ὀδυσσεῦ, καὶ πάλαι φύλαξ ἔβην τῇ σῇ πρόθυμοσ εἰσ ὁδὸν κυναγίᾳ. ἦ καί, φίλη δέσποινα, πρὸσ καιρὸν πονῶ; ὡσ ἔστιν ἀνδρὸσ τοῦδε τἄργα ταῦτά σοι. καὶ πρὸσ τί δυσλόγιστον ὧδ’ ᾖξεν χέρα; χόλῳ βαρυνθεὶσ τῶν Ἀχιλλείων ὅπλων. τί δῆτα ποίμναισ τήνδ’ ἐπεμπίπτει βάσιν; δοκῶν ἐν ὑμῖν χεῖρα χραίνεσθαι φόνῳ. ἦ καὶ τὸ βούλευμ’ ὡσ ἐπ’ Ἀργείοισ τόδ’ ἦν; κἂν ἐξεπράξατ’, εἰ κατημέλησ’ ἐγώ. ποίαισι τόλμαισ ταῖσδε καὶ φρενῶν θράσει; νύκτωρ ἐφ’ ὑμᾶσ δόλιοσ ὁρμᾶται μόνοσ. ἦ καὶ παρέστη κἀπὶ τέρμ’ ἀφίκετο; καὶ δὴ ’πὶ δισσαῖσ ἦν στρατηγίσιν πύλαισ. καὶ πῶσ ἐπέσχε χεῖρα μαιμῶσαν φόνου; ἐγώ σφ’ ἀπείργω, δυσφόρουσ ἐπ’ ὄμμασι γνώμασ βαλοῦσα τῆσ ἀνηκέστου χαρᾶσ, καὶ πρόσ τε ποίμνασ ἐκτρέπω σύμμικτά τε λείασ ἄδαστα βουκόλων φρουρήματα· ἔνθ’ εἰσπεσὼν ἔκειρε πολύκερων φόνον κύκλῳ ῥαχίζων· κἀδόκει μὲν ἔσθ’ ὅτε δισσοὺσ Ἀτρείδασ αὐτόχειρ κτείνειν ἔχων, ὅτ’ ἄλλοτ’ ἄλλον ἐμπίτνων στρατηλατῶν. ἐγὼ δὲ φοιτῶντ’ ἄνδρα μανιάσιν νόσοισ ὤτρυνον, εἰσέβαλλον εἰσ ἑρ́κη κακά. κἄπειτ’ ἐπειδὴ τοῦδ’ ἐλώφησεν πόνου, τοὺσ ζῶντασ αὖ δεσμοῖσι συνδήσασ βοῶν ποίμνασ τε πάσασ εἰσ δόμουσ κομίζεται, ὡσ ἄνδρασ, οὐχ ὡσ εὔκερων ἄγραν ἔχων, καὶ νῦν κατ’ οἴκουσ συνδέτουσ αἰκίζεται. δείξω δὲ καὶ σοὶ τήνδε περιφανῆ νόσον, ὡσ πᾶσιν Ἀργείοισιν εἰσιδὼν θροῇσ. θαρσῶν δὲ μίμνε μηδὲ συμφορὰν δέχου τὸν ἄνδρ’· ἐγὼ γὰρ ὀμμάτων ἀποστρόφουσ αὐγὰσ ἀπείρξω σὴν πρόσοψιν εἰσιδεῖν. οὗτοσ, σὲ τὸν τὰσ αἰχμαλωτίδασ χέρασ δεσμοῖσ ἀπευθύνοντα προσμολεῖν καλῶ· Αἰάντα φωνῶ· στεῖχε δωμάτων πάροσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Sophocles, Ajax, episode 2:

(소포클레스, Ajax, episode 2:)

상위

목록

SEARCH

MENU NAVIGATION