Pseudo-Plutarch, Placita Philosophorum, book 5, Διὰ τί γυνὴ πολλάκις συνουσιάζουσα οὐ συλλαμβάνει.?

Διοκλῆς ὁ ἰατρὸς ἢ παρὰ τὸ μηδ ὅλως ἐνίας σπέρμα προϊέσθαι ἢ παρὰ τὸ ἔλαττον τοῦ δέοντος ἢ διὰ τὸ τοιοῦτον, ἐν ᾧ τὸ ζῳοποιητικὸν οὐκ ἔστιν: ἢ διὰ θερμασίας ἢ ψύξεως ἢ ὑγρασίας ἢ ξηρότητος ἔνδειαν ἢ κατὰ παράλυσιν τῶν μορίων. οἱ δὲ Στωικοὶ κατὰ λοξότητα τοῦ καυλοῦ·

μὴ δυναμένου τὸν γόνον εὐθυβολεῖν ἢ παρὰ τὸ ἀσύμμετρον τῶν μορίων ὡς πρὸς τὴν ἀπόστασιν τῆς μήτρας. Ἐρασίστρατος παρὰ τὴν μήτραν, ὅταν τύλους ἔχῃ καὶ σαρκώσεις, ἢ ἀραιοτέρα ᾖ τοῦ κατὰ φύσιν ἢ: μικροτέρα.