헬라어 문장 검색 - ΠσευδόΠλαξιτά4́20́

(위 플루타르코스, Placita Philosophorum, book 4, Περὶ φωνῆσ.)

Πλάτων τὴν φωνὴν ὁρίζεται πνεῦμα διὰ στόματοσ ἀπὸ διανοίασ ἠγμένον καὶ πληγὴν ὑπὸ ἀέροσ δι’ ὤτων καὶ ἐγκεφάλου καὶ αἵματοσ μέχρι ψυχῆσ διαδιδομένην. λέγεται δὲ καὶ καταχρηστικῶσ ἐπὶ τῶν ἀλόγων ζῴων φωνὴ καὶ τῶν ἀψύχων, ὡσ χρεμετισμοὶ καὶ ψόφοι·

κυρίωσ δὲ φωνὴ ἡ ἔναρθρόσ ἐστιν, ὡσ φωτίζουσα τὸ νοούμενον. Ἐπίκουροσ τὴν φωνὴν εἶναι ῥεῦμα ἐκπεμπόμενον ἀπὸ τῶν φωνούντων ἢ ἠχούντων ἢ ψοφούντων· τοῦτο δὲ τὸ ῥεῦμα εἰσ ὁμοιοσχήμονα θρύπτεσθαι θραύσματα ὁμοιοσχήμονα δὲ λέγεται τὰ στρογγύλα τοῖσ στρογγύλοισ καὶ σκαληνὰ καὶ τρίγωνα τοῖσ ὁμοιογενέσι τούτων δ’ ἐμπιπτόντων ταῖσ ἀκοαῖσ, ἀποτελεῖσθαι τὴν αἴσθησιν τῆσ φωνῆσ·

φανερὸν δὲ τοῦτο γίνεσθαι ἀπὸ τῶν ἀσκῶν ἐκρεόντων καὶ τῶν ἐμφυσώντων κναφέων τοῖσ ἱματίοισ.

καὶ ὡσ αἰεὶ τὸν ὁμοῖον ἄγει θεὸσ ὡσ τὸν ὁμοῖον, καὶ γὰρ ἐν τοῖσ αἰγιαλοῖσ αἱ ὅμοιαι ψῆφοι κατὰ τοὺσ αὐτοὺσ τόπουσ ὁρῶνται, κατ’ ἄλλο μὲν αἱ σφαιροειδεῖσ κατ’ ἄλλο δ’ αἱ ἐπιμήκεισ·

καὶ ἐπὶ τῶν κοσκινευόντων δ’ ἐπὶ τὸ αὐτὸ συναλίζεται τὰ ὁμοιοσχήμονα, ὥστε χωρὶσ εἶναι τοὺσ κυάμουσ καὶ ἐρεβίνθουσ.

ἔχοι δ’ ἄν τισ πρὸσ τούτουσ εἰπεῖν , πῶσ ὀλίγα θραύσματα πνεύματοσ μυρίανδρον ἐκπληροῖ θέατρον;

οἱ δὲ Στωικοί φασι τὸν ἀέρα μὴ συγκεῖσθαι ἐκ θραυσμάτων, ἀλλὰ συνεχῆ εἶναι, δι’ ὅλου μηδὲν κενὸν ἔχοντα ἐπειδὰν δὲ πληγῇ πνεύματι, κυματοῦται κατὰ κύκλουσ ὀρθοὺσ εἰσ ἄπειρον, ἑώσ πληρώσῃ τὸν περικείμενον ἀέρα, ὡσ ἐπὶ τῆσ κολυμβήθρασ τῆσ πληγείσησ λίθῳ ·

καὶ αὕτη μὲν κυκλικῶσ κινεῖται ὁ δ’ ἀὴρ σφαιρικῶσ Ἀναξαγόρασ τὴν φωνὴν γίνεσθαι πνεύματοσ ἀντιπεσόντοσ μὲν στερεμνίῳ ἀέρι, τῇ δ’ ὑποστροφῇ τῆσ πλήξεωσ μέχρι τῶν ἀκοῶν προσενεχθέντοσ·

καθὸ καὶ τὴν λεγομένην ἠχὼ γίνεσθαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pseudo-Plutarch, Placita Philosophorum, book 4, Περὶ φωνῆσ.

(위 플루타르코스, Placita Philosophorum, book 4, Περὶ φωνῆσ.)

상위

목록

SEARCH

MENU NAVIGATION