헬라어 문장 검색 - ΠολψβίΗιστορί39́008́

(폴리비오스, Histories, book 39, b. olymp. 158, 4. ex epilogo)

Ὅτι ὁ Πολύβιόσ φησι κατὰ τὸ τέλοσ τῆσ συγγραφῆσ· ταῦτα μὲν οὖν ἡμεῖσ καταπράξαντεσ ἐκ τῆσ Ῥώμησ ἐπανήλθομεν, ὡσανεὶ κεφάλαιά τινα τῶν προπεπολιτευμένων κατειργασμένοι, χάριν ἀξίαν τῆσ πρὸσ Ῥωμαίουσ εὐνοίασ. διὸ καὶ πᾶσι τοῖσ θεοῖσ εὐχὰσ ποιούμεθα τὸ λοιπὸν μέροσ τῆσ ζωῆσ ἐν τούτοισ καὶ ἐπὶ τούτων διαμεῖναι, θεωροῦντεσ τὴν τύχην ὡσ ἔστιν ἀγαθὴ φθονῆσαι τοῖσ ἀνθρώποισ καὶ μάλιστα κατὰ τοῦτο τὸ μέροσ ἰσχύει καθ’ ὅ τισ ἂν δοκῇ μάλιστα μακαρίζεσθαι καὶ κατορθοῦν ἐν τῷ βίῳ.

Καὶ ταῦτα μὲν οὕτω γενέσθαι συνέπεσεν· ἡμεῖσ δὲ παραγεγονότεσ ἐπὶ τὸ τέρμα τῆσ ὅλησ πραγματείασ βουλόμεθα, προσαναμνήσαντεσ τῆσ ἀρχῆσ καὶ τῆσ προεκθέσεωσ ἧσ ἐποιησάμεθα καταβαλόμενοι τὴν ἱστορίαν, συγκεφαλαιώσασθαι τὴν ὅλην ὑπόθεσιν, οἰκειώσαντεσ τὴν ἀρχὴν τῷ τέλει καὶ καθόλου καὶ κατὰ μέροσ.

ἐξεθέμεθα τοιγαροῦν ἐν ἀρχαῖσ ὅτι τῆσ μὲν προκατασκευῆσ ποιησόμεθα τὴν ἀρχὴν ἀφ’ ὧν Τίμαιοσ ἀπέλιπεν·

ἐπηγγειλάμεθα διότι πάλιν ἀπὸ τούτων τῶν καιρῶν ἀρξάμενοι καθ’ οὓσ ἦν ὀλυμπιὰσ ἐνάτη καὶ τριακοστὴ πρὸσ ταῖσ ἑκατόν, διέξιμεν τὰσ κοινὰσ τῆσ οἰκουμένησ πράξεισ, περιγράφοντεσ κατ’ ὀλυμπιάδασ καὶ διαιροῦντεσ κατ’ ἔτοσ καὶ συγκρίνοντεσ ἐκ παραβολῆσ τὰσ καταλλήλουσ ἑώσ τῆσ Καρχηδόνοσ ἁλώσεωσ καὶ τῆσ Ἀχαιῶν καὶ Ῥωμαίων περὶ τὸν Ἰσθμὸν μάχησ, ἔτι δὲ τῆσ ἐπιγενομένησ ἐκ τούτων ἀποκαταστάσεωσ περὶ τοὺσ Ἕλληνασ.

ἐξ ὧν τὸ κάλλιστον ἔφαμεν, ἅμα δ’ ὠφελιμώτατον περιγενέσθαι τοῖσ φιλομαθοῦσι·

τοῦτο δ’ ἦν τὸ γνῶναι πῶσ καὶ τίνι γένει πολιτείασ ἐπικρατηθέντα σχεδὸν ἅπαντα τὰ κατὰ τὴν οἰκουμένην ὑπὸ μίαν ἀρχὴν ἔπεσε τὴν Ῥωμαίων, ὃ πρότερον οὐχ εὑρίσκεται γεγονόσ. τούτων δὴ πάντων ἡμῖν ἐπιτετελεσμένων λείπεται διασαφῆσαι τοὺσ χρόνουσ τοὺσ περιειλημμένουσ ὑπὸ τῆσ ἱστορίασ καὶ τὸ πλῆθοσ τῶν βύβλων καὶ τὸν ἀριθμὸν τῆσ ὅλησ πραγματείασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 39, b. olymp. 158, 4. ex epilogo

(폴리비오스, Histories, book 39, b. olymp. 158, 4. ex epilogo)

상위

목록

SEARCH

MENU NAVIGATION