헬라어 문장 검색 - ΠολψβίΗιστορί39́001́

(폴리비오스, Histories, book 39, a. olymp. 158, 3. i. res graeciae)

Ὅτι Αὖλοσ Ποστόμιοσ ἄξιοσ γέγονεν ἐπισημασίασ ἀπεντεῦθεν. οἰκίασ μὲν γὰρ ἦν καὶ γένουσ πρώτου, κατὰ δὲ τὴν ἰδίαν φύσιν στωμύλοσ καὶ λάλοσ καὶ πέρπεροσ διαφερόντωσ.

τέλοσ δὲ καὶ ποίημα γράφειν καὶ πραγματικὴν ἱστορίαν ἐνεχείρησεν, ἐν ᾗ διὰ τοῦ προοιμίου παρεκάλει τοὺσ ἐντυγχάνοντασ συγγνώμην ἔχειν, ἐὰν Ῥωμαῖοσ ὢν μὴ δύνηται κατακρατεῖν τῆσ Ἑλληνικῆσ διαλέκτου καὶ τῆσ κατὰ τὸν χειρισμὸν οἰκονομίασ.

πρὸσ ὃν οἰκείωσ ἀπηντηκέναι δοκεῖ Μάρκοσ Πόρκιοσ Κάτων·

θαυμάζειν γὰρ ἔφη πρὸσ τίνα λόγον ποιεῖται τοιαύτην παραίτησιν. εἰ μὲν γὰρ αὐτῷ τὸ τῶν Ἀμφικτυόνων συνέδριον συνέταττε γράφειν ἱστορίαν, ἴσωσ ἔδει προφέρεσθαι ταῦτα καὶ παραιτεῖσθαι·

τῆσ ἁπάσησ ἀτοπίασ εἶναι σημεῖον, καὶ παραπλησίωσ ἄχρηστον ὡσανεί τισ εἰσ τοὺσ γυμνικοὺσ ἀγῶνασ ἀπογραψάμενοσ πυγμὴν ἢ παγκράτιον, παρελθὼν εἰσ τὸ στάδιον, ὅτε δέοι μάχεσθαι, παραιτοῖτο τοὺσ θεωμένουσ συγγνώμην ἔχειν, ἐὰν μὴ δύνηται μήτε τὸν πόνον ὑπομένειν μήτε τὰσ πληγάσ.

δῆλον γὰρ ὡσ εἰκὸσ γέλωτα τὸν τοιοῦτον ὀφλεῖν καὶ τὴν δίκην ἐκ χειρὸσ λαμβάνειν·

ὅπερ ἔδει καὶ τοὺσ τοιούτουσ ἱστοριογράφουσ, ἵνα μὴ κατετόλμων τοῦ καλῶσ ἔχοντοσ. παραπλησίωσ δὲ καὶ κατὰ τὸν λοιπὸν βίον ἐζηλώκει τὰ χείριστα τῶν Ἑλληνικῶν·

καὶ γὰρ φιλήδονοσ ἦν καὶ φυγόπονοσ. τοῦτο δ’ ἔσται δῆλον ἐξ αὐτῶν τῶν ἐνεστώτων·

ὃσ πρῶτοσ παρὼν ἐν τοῖσ κατὰ τὴν Ἑλλάδα τόποισ, καθ’ ὃν καιρὸν συνέβαινε γίνεσθαι τὴν ἐν Φωκίδι μάχην, σκηψάμενοσ ἀσθένειαν εἰσ Θήβασ ἀνεχώρησεν χάριν τοῦ μὴ μετασχεῖν τοῦ κινδύνου· συντελεσθείσησ δὲ τῆσ μάχησ πρῶτοσ ἔγραψε τῇ συγκλήτῳ περὶ τοῦ κατορθώματοσ, προσδιασαφῶν τὰ κατὰ μέροσ, ὡσ μετεσχηκὼσ αὐτὸσ τῶν ἀγώνων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 39, a. olymp. 158, 3. i. res graeciae

(폴리비오스, Histories, book 39, a. olymp. 158, 3. i. res graeciae)

상위

목록

SEARCH

MENU NAVIGATION