헬라어 문장 검색 - ΠολψβίΗιστορί35́002́

(폴리비오스, Histories, book 35, chapter 2)

Μάρκοσ δὲ στρατεύσασ εἰσ τοὺσ Λυσιτανοὺσ καὶ τὴν Νερκόβρικα πόλιν κατὰ κράτοσ ἑλὼν ἐν Κορδύβᾳ τὴν παραχειμασίαν ἐποιεῖτο. τοὺσ δὲ παρὰ τῶν Ἀραυακῶν πέραν τοῦ Τιβέρεωσ ἐκέλευσαν κατασκηνοῦν διὰ τὸ πολεμίουσ ὑπάρχειν, ἑώσ βουλεύσωνται περὶ τῶν ὅλων.

γενομένου δὲ καιροῦ πρὸσ ἔντευξιν, κατὰ πόλιν ὁ στρατηγὸσ εἰσῆγε τοὺσ συμμάχουσ.

ὑποδεικνύντεσ ὡσ, εἰ μὴ συσταλήσονται καὶ τεύξονται τῆσ ἁρμοζούσησ κολάσεωσ οἱ πεπολεμηκότεσ, παραυτίκα μέν, ἐπανελθόντων τῶν Ῥωμαϊκῶν στρατοπέδων ἐκ τῆσ Ἰβηρίασ, ἐκ χειρὸσ προσεπιθήσουσι τὴν δίκην αὐτοῖσ.

ὡσ προδόταισ γεγονόσι, ταχὺ δὲ πάλιν αὐτοὶ κινήσουσι πραγμάτων ἀρχήν, ἐὰν ἀνεπιτίμητοι διαφύγωσιν ἐκ τῆσ πρώτησ ἁμαρτίασ, ἑτοίμουσ δὲ πάντασ πρὸσ καινοτομίαν ποιήσουσι τοὺσ κατὰ τὴν Ἰβηρίαν, ὡσ ἱκανοὶ γεγονότεσ ἀντίπαλοι Ῥωμαίοισ.

ἢ βουλομένουσ ἀπάγειν τὰσ δυνάμεισ παραδειγματιστέον εἶναι τὴν τῶν προειρημένων ἐπανάστασιν, ἵνα μηδεὶσ ἔτι ποιεῖν θαρρῇ τὸ παραπλήσιον τούτοισ.

οἱ μὲν οὖν Βελλῶν καὶ Τίττων συμμαχοῦντεσ Ῥωμαίοισ ταῦτα καὶ τὰ τούτοισ παραπλήσια διελέχθησαν.

ἐπὶ δὲ τούτοισ εἰσῆγον τοὺσ παρὰ τῶν πολεμίων.

οἱ δ’ Ἀραυάκαι παρελθόντεσ κατὰ μὲν τὴν ὑπόκρισιν ἐχρῶντο τοῖσ λόγοισ ὑποπεπτωκότωσ καὶ ταπεινῶσ, τῇ γε μὴν προαιρέσει [ὡσ] διέφαινον οὐκ εἰκούσῃ τοῖσ ὅλοισ οὐδ’ ἡττωμένῃ.

καὶ γὰρ τὰ τῆσ τύχησ ἄδηλα πολλάκισ ὑπεδείκνυον καὶ τὰσ προγεγενημένασ μάχασ ἀμφιδηρίτουσ ποιοῦντεσ ἐν πάσαισ ἔμφασιν ἀπέλειπον ὡσ ἐπικυδεστέρων αὐτῶν γεγονότων.

τέλοσ δ’ ἦν τῶν λόγων·

εἰ μέν τι δεῖ ῥητὸν πρόστιμον ὑπομένειν τῆσ ἀγνοίασ, ἀναδέχεσθαι τοῦτ’ ἔφασαν, τελεσθέντοσ δὲ τοῦ προστάγματοσ ἐπανάγειν ἠξίουν ἐπὶ τὰσ κατὰ Τεβέριον ὁμολογίασ αὐτοῖσ γενομένασ πρὸσ τὴν σύγκλητον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 35, chapter 2

(폴리비오스, Histories, book 35, chapter 2)

상위

목록

SEARCH

MENU NAVIGATION