헬라어 문장 검색 - ΠολψβίΗιστορί27́015́

(폴리비오스, Histories, book 27, chapter 15)

Ὅτι Κέφαλοσ ἧκεν ἐξ Ἠπείρου, ἔχων μὲν καὶ πρότερον ἤδη σύστασιν πρὸσ τὴν Μακεδόνων οἰκίαν, τότε δὲ διὰ τῶν πραγμάτων ἠναγκασμένοσ αἱρεῖσθαι τὰ τοῦ Περσέωσ. ἡ δ’ αἰτία τοῦ συμβαίνοντοσ ἐγένετο τοιαύτη. Χάροψ ἦν Ἠπειρώτησ, ἀνὴρ τἄλλα μὲν καλὸσ κἀγαθὸσ καὶ φίλοσ Ῥωμαίων, ὃσ Φιλίππου τὰ κατὰ τὴν Ἤπειρον στενὰ κατασχόντοσ αἴτιοσ ἐγένετο τοῦ Φίλιππον μὲν ἐκπεσεῖν ἐκ τῆσ Ἠπείρου, Τίτον δὲ καὶ τῆσ Ἠπείρου κρατῆσαι καὶ τῶν Μακεδόνων.

οὗτοσ υἱὸν ἔσχε Μαχατᾶν, οὗ Χάροψ ἐγένετο.

τοῦτον ἀντίπαιδα κατὰ τὴν ἡλικίαν ὄντα τοῦ πατρὸσ μεταλλάξαντοσ ὁ Χάροψ μετὰ τῆσ καθηκούσησ προστασίασ εἰσ τὴν Ῥώμην ἀπέστειλε χάριν τοῦ καὶ τὴν διάλεκτον καὶ τὰ γράμματα τὰ Ῥωμαϊκὰ μαθεῖν.

τοῦτο τὸ μειράκιον πολλοῖσ σύνηθεσ γεγονὸσ ἐπανῆλθε μετά τινα χρόνον εἰσ τὴν οἰκείαν.

ὁ μὲν οὖν πρεσβύτεροσ Χάροψ μετήλλαξε τὸν βίον.

τὸ δὲ μειράκιον μετέωρον ὂν τῇ φύσει καὶ πάσησ πονηρίασ ἔμπλεων ἐκορωνία καὶ παρετρίβετο πρὸσ τοὺσ ἐπιφανεῖσ ἄνδρασ. τὰσ μὲν οὖν ἀρχὰσ οὐδεὶσ ἦν αὐτοῦ λόγοσ, ἀλλ’ οἱ προκατέχοντεσ καὶ ταῖσ ἡλικίαισ καὶ ταῖσ δόξαισ, οἱ περὶ τὸν Ἀντίνουν, ἐχείριζον τὰ κοινὰ κατὰ τὰσ αὑτῶν γνώμασ.

κατὰ δὲ τὸ παρὸν πάντα παρατηροῦν καὶ πᾶν τὸ λεγόμενον ἢ πραττόμενον ὑπ’ αὐτῶν ἐπὶ τὸ χεῖρον ἐκδεχόμενον καὶ τὰ μὲν ἀφαιροῦν τὰ δὲ προστιθὲν ἐλάμβανε πιθανότητασ κατὰ τῶν ἀνθρώπων.

ὁ δὲ Κέφαλοσ, τἄλλα τε φρόνιμοσ καὶ στάσιμοσ ἄνθρωποσ, καὶ κατὰ τοὺσ καιροὺσ τούτουσ ἐπὶ τῆσ ἀρίστησ ὑπῆρχε γνώμησ.

ἀρχόμενοσ γὰρ ηὔξατο τοῖσ θεοῖσ μὴ συστῆναι τὸν πόλεμον μηδὲ κριθῆναι τὰ πράγματα·

πραττομένου δὲ τοῦ πολέμου τὰ κατὰ τὴν συμμαχίαν ἐβούλετο δίκαια ποιεῖν Ῥωμαίοισ, πέρα δὲ τούτου μήτε προστρέχειν ἀγεννῶσ μήθ’ ὑπηρετεῖν μηδὲν παρὰ τὸ δέον.

τοῦ δὲ Χάροποσ ἐνεργῶσ χρωμένου ταῖσ κατ’ αὐτοῦ διαβολαῖσ καὶ πᾶν τὸ παρὰ τὴν Ῥωμαίων βούλησιν γινόμενον εἰσ ἐθελοκάκησιν ἄγοντοσ, τὸ μὲν πρῶτον οἱ προειρημένοι κατεφρόνουν, οὐδὲν αὑτοῖσ συνειδότεσ ἀλλότριον βουλευομένοισ Ῥωμαίων.

ὡσ δὲ τοὺσ περὶ τὸν Ἱππόλοχον καὶ Νίκανδρον καὶ Λόχαγον εἶδον τοὺσ Αἰτωλοὺσ ἀναγομένουσ εἰσ τὴν Ῥώμην ἀπὸ τῆσ ἱππομαχίασ ἀλόγωσ, καὶ τὰσ διαβολὰσ τὰσ ἐκ τῶν περὶ Λυκίσκον πεπιστευμένασ κατ’ αὐτῶν, οἵτινεσ κατὰ τὴν Αἰτωλίαν τὴν αὐτὴν αἱρ́εσιν ἦγον τῷ Χάροπι, τὸ τηνικάδε προϊδόμενοι τὸ μέλλον ἐβουλεύοντο περὶ αὑτῶν.

ἔδοξεν οὖν αὐτοῖσ παντὸσ πεῖραν λαμβάνειν ἐφ’ ᾧ μὴ προέσθαι σφᾶσ αὐτοὺσ ἀκρίτωσ εἰσ τὴν Ῥώμην ἐπανάγεσθαι διὰ τὰσ Χάροποσ διαβολάσ.

οὕτω μὲν οὖν οἱ περὶ τὸν Κέφαλον ἠναγκάσθησαν παρὰ τὰσ αὑτῶν προαιρέσεισ ἑλέσθαι τὰ τοῦ Περσέωσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 27, chapter 15

(폴리비오스, Histories, book 27, chapter 15)

상위

목록

SEARCH

MENU NAVIGATION