헬라어 문장 검색 - ΠολψβίΗιστορί27́009́

(폴리비오스, Histories, book 27, chapter 9)

Ὅτι τῆσ κατὰ τὴν ἱππομαχίαν φήμησ μετὰ τὴν νίκην τῶν Μακεδόνων εἰσ τὴν Ἑλλάδα διαγγελθείσησ ἐξέλαμψε καθαπερεὶ πῦρ ἡ τῶν πολλῶν πρὸσ τὸν Περσέα διάθεσισ, τὸν πρὸ τούτου χρόνον ἐπικρυπτομένων τῶν πλείστων. ἦν δὲ περὶ αὐτοὺσ τοιαύτη τισ, ἐμοὶ δοκεῖ, διάθεσισ·

παραπλήσιον ἦν τὸ γινόμενον τῷ συμβαίνοντι περὶ τοὺσ γυμνικοὺσ ἀγῶνασ. καὶ γὰρ ἐν ἐκείνοισ ὅταν πρὸσ ἐπιφανῆ καὶ ἀήττητον ἀθλητὴν εἶναι δοκοῦντα συγκαταστῇ ταπεινὸσ καὶ πολὺ καταδεέστεροσ ἀνταγωνιστήσ, εὐθέωσ ἀπομερίζει τὰ πλήθη τὴν εὔνοιαν τῷ καταδεεστέρῳ καὶ θαρρεῖν παρακαλεῖ καὶ συνεξανίσταται τούτῳ ταῖσ ὁρμαῖσ·

ἐὰν δὲ καὶ ψαύσῃ τοῦ προσώπου καὶ ποιήσῃ τι σημεῖον τῆσ πληγῆσ, παραυτίκα πάλιν ἁπάντων ἀγὼν μικρὸσ γίνεται·

ποτὲ δὲ καὶ χλευάζειν ἐγχειροῦσι τὸν ἕτερον, οὐ μισοῦντεσ οὐδὲ καταγινώσκοντεσ, ἀλλὰ παραδόξωσ τε συμπαθεῖσ γινόμενοι καὶ τῷ καταδεεστέρῳ φύσει προσμερίζοντεσ τὴν ἑαυτῶν εὔνοιαν·

οὓσ ἐὰν ἐπιστήσῃ τισ ἐν καιρῷ, ταχέωσ μετατίθενται καὶ παρὰ πόδασ ἐπιλαμβάνονται τῆσ ἑαυτῶν ἀγνοίασ.

Ὅ φασι ποιῆσαι Κλειτόμαχον· ἐκείνου γὰρ ἀνυποστάτου δοκοῦντοσ εἶναι κατὰ τὴν ἄθλησιν, καὶ τῆσ αὐτοῦ δόξησ ἐπιπολαζούσησ κατὰ πᾶσαν τὴν οἰκουμένην, Πτολεμαῖόν φασι τὸν βασιλέα φιλοδοξήσαντα πρὸσ τὸ καταλῦσαι τὴν δόξαν αὐτοῦ, παρασκευάσαντα μετὰ πολλῆσ φιλοτιμίασ Ἀριστόνικον τὸν πύκτην ἐξαποστεῖλαι, δοκοῦντα φύσιν ἔχειν ὑπερέχουσαν ἐπὶ ταύτην τὴν χρείαν·

παραγενομένου δ’ εἰσ τὴν Ἑλλάδα τοῦ προειρημένου καὶ συγκαταστάντοσ Ὀλυμπίασι πρὸσ τὸν Κλειτόμαχον, ἐξ αὐτῆσ, ὡσ ἐοίκεν, ἀπένευσαν οἱ πολλοὶ πρὸσ τὸν Ἀριστόνικον καὶ παρεκάλουν, χαίροντεσ ἐπὶ τῷ βραχύ τι τετολμηκέναι τινὰ συγκαταστῆναι πρὸσ τὸν Κλειτόμαχον·

ὡσ δέ γε προβαίνων ἐφάμιλλοσ ἐφαίνετο κατὰ τὸν ἀγῶνα καί που καὶ τραῦμα καίριον ἐποίησε, κρότοσ ἐγίνετο καὶ συνεξέπιπτον οἱ πολλοὶ ταῖσ ὁρμαῖσ, θαρρεῖν παρακαλοῦντεσ τὸν Ἀριστόνικον.

πότερον οὐ συνοίδασιν αὐτῷ ποιοῦντι τὰ δίκαια κατὰ τὴν ἄθλησιν ἢ τοῦτ’ ἀγνοοῦσι διότι Κλειτόμαχοσ μὲν ἀγωνίζεται νῦν ὑπὲρ τῆσ τῶν Ἑλλήνων δόξησ, Ἀριστόνικοσ δὲ περὶ τῆσ Πτολεμαίου τοῦ βασιλέωσ.

πότερον ἂν οὖν βουληθεῖεν τὸν Ὀλυμπίασι στέφανον Αἰγύπτιον ἀποφέρειν ἄνθρωπον νικήσαντα τοὺσ Ἕλληνασ, ἢ Θηβαῖον καὶ Βοιώτιον κηρύττεσθαι νικῶντα τῇ πυγμῇ τοὺσ ἄνδρασ.

ταῦτα δ’ εἰπόντοσ τοῦ Κλειτομάχου τηλικαύτην φασὶ γενέσθαι τὴν μετάπτωσιν τῶν πολλῶν ὥστε πάλιν ἐκ μεταβολῆσ μᾶλλον ὑπὸ τοῦ πλήθουσ ἢ τοῦ Κλειτομάχου καταγωνισθῆναι τὸν Ἀριστόνικον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 27, chapter 9

(폴리비오스, Histories, book 27, chapter 9)

상위

목록

SEARCH

MENU NAVIGATION