헬라어 문장 검색 - ΠολψβίΗιστορί27́008́

(폴리비오스, Histories, book 27, chapter 8)

ἐπιδεχόμενον ἔτι καὶ νῦν ὅτι φόρουσ δώσει Ῥωμαίοισ, ὅσουσ πρότερον ὑπέσχετο [ὁ] πατὴρ καταπολεμηθείσ, καὶ τόπων ἐκχωρήσει τῶν αὐτῶν. ἐάν τε γὰρ δέξωνται τὰσ διαλύσεισ, καλὴν ἔφασαν ἔσεσθαι τῷ βασιλεῖ τὴν ἐξαγωγὴν τοῦ πολέμου, πεπροτερηκότι διὰ τῶν ὑπαίθρων, καὶ καθόλου πρὸσ τὸ μέλλον εὐλαβεστέρουσ ὑπάρξειν τοὺσ Ῥωμαίουσ, πεῖραν εἰληφότασ τῆσ Μακεδόνων ἀνδρείασ εἰσ τὸ μηδὲν ἄδικον μηδὲ βαρὺ προστάττειν Μακεδόσιν.

ἐάν τε μὴ δέξωνται θυμομαχοῦντεσ ἐπὶ τοῖσ γεγονόσιν, ἐκείνοισ μὲν δικαίωσ νεμεσήσειν τὸ δαιμόνιον, αὐτῷ δὲ διὰ τὴν μετριότητα συναγωνιστὰσ ὑπάρξειν τοὺσ θεοὺσ καὶ τοὺσ ἀνθρώπουσ.

ταῦτα μὲν οὖν ἐδόκει τοῖσ πλείοσι τῶν φίλων.

συγκαταθεμένου δὲ τοῦ Περσέωσ ἐπέμποντο παραχρῆμα πρεσβευταὶ Πάνταυχοσ Βαλάκρου καὶ Μίδων Βεροιεύσ. ὧν παραγενομένων πρὸσ τὸν Λικίννιον εὐθέωσ ὁ στρατηγὸσ συνῆγε συνέδριον.

τῶν δὲ πρέσβεων διασαφησάντων τὰ κατὰ τὰσ ἐντολάσ, μεταστησάμενοι τοὺσ περὶ τὸν Πάνταυχον ἐβουλεύοντο περὶ τῶν προσπεπτωκότων. ἔδοξεν οὖν αὐτοῖσ ὁμοθυμαδὸν ὡσ βαρυτάτην δοῦναι τὴν ἀπόκρισιν.

ἴδιον γὰρ τοῦτο πάντῃ παρὰ Ῥωμαίοισ ἔθοσ καὶ πάτριόν ἐστι τὸ κατὰ μὲν τὰσ ἐλαττώσεισ αὐθαδεστάτουσ καὶ βαρυτάτουσ φαίνεσθαι, κατὰ δὲ τὰσ ἐπιτυχίασ ὡσ μετριωτάτουσ.

τοῦτο δ’ ὅτι καλὸν πᾶσ ἄν τισ ὁμολογήσειεν·

εἰ δὲ καὶ δυνατὸν ἐν ἐνίοισ καιροῖσ, εἰκότωσ ἄν τισ ἐπαπορήσειεν. πλὴν τότε γε τοιαύτην ἔδωκαν τὴν ἀπόκρισιν·

ἐκέλευον γὰρ ἐπιτρέπειν τὸν Περσέα τὰ καθ’ αὑτόν, καὶ καθόλου διδόναι τῇ συγκλήτῳ τὴν ἐξουσίαν, ὡσ ἂν αὐτῇ δοκῇ, βουλεύεσθαι περὶ τῶν κατὰ τὴν Μακεδονίαν. οἱ δὲ περὶ τὸν Πάνταυχον ταῦτ’ ἀκούσαντεσ ἐπανῆλθον καὶ διεσάφουν τῷ Περσεῖ καὶ τοῖσ φίλοισ.

ὧν τινεσ ἐκπληττόμενοι τὴν ὑπερηφανίαν παρωξύνοντο καὶ συνεβούλευον τῷ Περσεῖ μήτε διαπρεσβεύεσθαι μηκέτι μήτε διαπέμπεσθαι περὶ μηδενόσ.

οὐ μὴν ὁ Περσεὺσ τοιοῦτοσ ἦν, ἀλλὰ προστιθεὶσ καὶ τὸ πλῆθοσ αὔξων τῶν χρημάτων διεπέμπετο πλεονάκισ πρὸσ τὸν Λικίννιον.

ἀλλὰ καὶ τῶν πλείστων φίλων ἐπιτιμώντων αὐτῷ καὶ φασκόντων ὅτι νικῶν ποιεῖ τὰ τοῦ λειπομένου καὶ τοῖσ ὅλοισ ἐπταικότοσ, οὕτωσ ἠναγκάσθη τὰσ διαπρεσβείασ ἀπογνοὺσ μεταστρατοπεδεῦσαι πάλιν ἐπὶ τὸ Συκύριον.

καὶ ταῦτα μὲν ἐπὶ τούτων ἦν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 27, chapter 8

(폴리비오스, Histories, book 27, chapter 8)

상위

목록

SEARCH

MENU NAVIGATION