헬라어 문장 검색 - ΠολψβίΗιστορί27́004́

(폴리비오스, Histories, book 27, chapter 4)

ἅμα μὲν ὑπολαμβάνων ὑπερδέξιοσ φανήσεσθαι τοῖσ δικαίοισ, ἅμα δὲ βουλόμενοσ ἀπόπειραν λαμβάνειν τῆσ ἑκάστων προαιρέσεωσ. πρὸσ μὲν οὖν τοὺσ ἄλλουσ δι’ αὐτῶν τῶν γραμματοφόρων ἔπεμπε τὰσ ἐπιστολάσ, εἰσ δὲ τὴν Ῥόδον καὶ πρεσβευτὰσ συναπέστειλεν Ἀντήνορα καὶ Φίλιππον.

οἳ καὶ παραγενηθέντεσ τὰ γεγραμμένα τοῖσ ἄρχουσιν ἀπέδωκαν·

καὶ μετά τινασ ἡμέρασ ἐπελθόντεσ ἐπὶ τὴν βουλὴν παρεκάλουν τοὺσ Ῥοδίουσ κατὰ μὲν τὸ παρὸν ἡσυχίαν ἔχειν, ἀποθεωροῦντασ τὸ γινόμενον· ἐὰν δὲ Ῥωμαῖοι παρὰ τὰσ συνθήκασ ἐγχειρῶσι τὰσ χεῖρασ ἐπιβάλλειν τῷ Περσεῖ καὶ Μακεδόσιν, πειρᾶσθαι διαλύειν.

τοῦτο γὰρ πᾶσι μὲν συμφέρειν, πρέπειν δὲ μάλιστα Ῥοδίοισ.

ὅσῳ γὰρ πλεῖον ὀρέγονται τῆσ ἰσηγορίασ καὶ παρρησίασ καὶ διατελοῦσι προστατοῦντεσ οὐ μόνον τῆσ αὑτῶν ἀλλὰ καὶ τῆσ τῶν ἄλλων Ἑλλήμων ἐλευθερίασ, τοσούτῳ καὶ τὴν ἐναντίαν προαίρεσιν μάλιστα δεῖν αὐτοὺσ προορᾶσθαι καὶ φυλάττεσθαι κατὰ δύναμιν.

ταῦτα καὶ τούτοισ παραπλήσια διαλεχθέντων τῶν πρέσβεων, ἤρεσκε μὲν ἅπασι τὰ λεγόμενα·

προκατεχόμενοι δὲ τῇ πρὸσ Ῥωμαίουσ εὐνοίᾳ, καὶ νικῶντοσ αὐτοῖσ τοῦ βελτίονοσ, τἄλλα μὲν ἀπεδέξαντο φιλανθρώπωσ τοὺσ πρεσβευτάσ, ἠξίουν δὲ τὸν Περσέα διὰ τῆσ ἀποκρίσεωσ εἰσ μηδὲν αὑτοὺσ παρακαλεῖν τοιοῦτον ἐξ οὗ φανήσονται πρὸσ τὴν Ῥωμαίων ἀντιπράττοντεσ βούλησιν.

οἱ δὲ περὶ τὸν Ἀντήνορα τὴν μὲν ἀπόκρισιν οὐκ ἔλαβον , τὴν δὲ λοιπὴν φιλανθρωπίαν ἀποδεξάμενοι τὴν Ῥοδίων ἀπέπλευσαν εἰσ τὴν Μακεδονίαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 27, chapter 4

(폴리비오스, Histories, book 27, chapter 4)

상위

목록

SEARCH

MENU NAVIGATION