헬라어 문장 검색 - ΠολψβίΗιστορί27́002́

(폴리비오스, Histories, book 27, chapter 2)

Τούτων δὲ συντελουμένων ἐν ταῖσ Θήβαισ, οἱ φυγάδεσ ἐν τῇ Χαλκίδι προστησάμενοι Πομπίδην κατηγορίαν ἐποιοῦντο τῶν περὶ τὸν Ἰσμηνίαν καὶ Νέωνα καὶ Δικέταν. εἰσ τὴν ἐσχάτην διάθεσιν ἧκον οἱ περὶ τὸν Ἱππίαν, ὥστε καὶ τῷ βίῳ κινδυνεῦσαι παρ’ αὐτὸν τὸν καιρὸν ὑπὸ τῆσ ὁρμῆσ τοῦ πλήθουσ, ἑώσ οὗ βραχύ τι τῆσ ἀσφαλείασ αὐτῶν προυνοήθησαν οἱ Ῥωμαῖοι, παρακατασχόντεσ τὴν ἐπιφορὰν τῶν ὄχλων.

τῶν δὲ Θηβαίων παραγενομένων καὶ κομιζόντων τὰ προειρημένα δόγματα καὶ τὰσ τιμάσ, ταχεῖαν ἕκαστα τῶν πραγμάτων ἐλάμβανε τὴν ἀνταπόδοσιν, ἅτε τῶν πόλεων παρακειμένων ἀλλήλαισ ἐν πάνυ βραχεῖ διαστήματι.

πλὴν ἀποδεξάμενοι τοὺσ Θηβαίουσ οἱ περὶ τὸν Μάρκιον τήν τε πόλιν ἐπῄνεσαν καὶ τοὺσ φυγάδασ συνεβούλευσαν καταγαγεῖν εἰσ τὴν οἰκείαν.

εὐθύσ τε παρήγγειλαν πρεσβεύειν πᾶσι τοῖσ ἀπὸ τῶν πόλεων εἰσ τὴν Ῥώμην, διδόντασ αὑτοὺσ εἰσ τὴν πίστιν κατ’ ἰδίαν ἑκάστουσ.

οὗτοι μὲν μεταπεμψάμενοι Σέρουιον ἐξ Ἄργουσ καὶ καταλιπόντεσ ἐπὶ τῆσ Χαλκίδοσ προῆγον ἐπὶ Πελοπόννησον, Νέων δὲ μετά τινασ ἡμέρασ ἀνεχώρησεν εἰσ Μακεδονίαν.

οἱ δὲ περὶ τὸν Ἰσμηνίαν καὶ Δικέταν τότε μὲν ἀπήχθησαν εἰσ φυλακήν, μετὰ δέ τινα χρόνον ἀπήλλαξαν αὑτοὺσ ἐκ τοῦ ζῆν.

τὸ δὲ τῶν Βοιωτῶν ἔθνοσ ἐπὶ πολὺν χρόνον συντετηρηκὸσ τὴν κοινὴν συμπολιτείαν καὶ πολλοὺσ καὶ ποικίλουσ καιροὺσ διαπεφευγὸσ παραδόξωσ τότε προπετῶσ καὶ ἀλογίστωσ ἑλόμενον τὰ παρὰ Περσέωσ, εἰκῇ καὶ παιδαριωδῶσ πτοηθὲν κατελύθη καὶ διεσκορπίσθη κατὰ πόλεισ.

Οἱ δὲ περὶ τὸν Αὖλον καὶ Μάρκιον παραγενηθέντεσ εἰσ τὴν τῶν Ἀργείων πόλιν ἐχρημάτισαν ταῖσ συναρχίαισ ταῖσ τῶν Ἀχαιῶν καὶ παρεκάλεσαν Ἄρχωνα τὸν στρατηγὸν χιλίουσ ἐκπέμψαι στρατιώτασ εἰσ Χαλκίδα, παραφυλάξοντασ τὴν πόλιν μέχρι τῆσ Ῥωμαίων διαβάσεωσ.

τοῦ δ’ Ἄρχωνοσ ἑτοίμωσ συνυπακούσαντοσ, οὗτοι μὲν ταῦτα διαπράξαντεσ ἐν τοῖσ Ἕλλησι κατὰ χειμῶνα καὶ τῷ Ποπλίῳ συμμίξαντεσ ἀπέπλεον εἰσ τὴν Ῥώμην.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 27, chapter 2

(폴리비오스, Histories, book 27, chapter 2)

상위

목록

SEARCH

MENU NAVIGATION