헬라어 문장 검색 - ΠολψβίΗιστορί25́002́

(폴리비오스, Histories, book 25, ii. res asiae)

Ὅτι ὁ Φαρνάκησ, ἐξαπιναίου καὶ βαρείασ αὐτῷ τῆσ ἐφόδου γενομένησ, ἕτοιμοσ ἦν πρὸσ πᾶν τὸ προτεινόμενον· πρέσβεισ γὰρ ἐξαπέστειλε πρὸσ Εὐμένη καὶ Ἀριαράθην. τῶν δὲ περὶ Εὐμένη καὶ Ἀριαράθην προσδεξαμένων τοὺσ λόγουσ καὶ παραχρῆμα συνεξαποστειλάντων πρεσβευτὰσ παρ’ αὑτῶν πρὸσ τὸν Φαρνάκην, καὶ τούτου γενομένου πλεονάκισ παρ’ ἑκατέρων, ἐκυρώθησαν αἱ διαλύσεισ ἐπὶ τούτοισ·

εἰρήνην ὑπάρχειν Εὐμένει καὶ Προυσίᾳ καὶ Ἀριαράθῃ πρὸσ Φαρνάκην καὶ Μιθριδάτην εἰσ τὸν πάντα χρόνον.

Γαλατίασ μὴ ἐπιβαίνειν Φαρνάκην κατὰ μηδένα τρόπον.

ὅσαι γεγόνασιν πρότερον συνθῆκαι Φαρνάκῃ πρὸσ Γαλάτασ, ἀκύρουσ ὑπάρχειν. ὁμοίωσ Παφλαγονίασ ἐκχωρεῖν, ἀποκαταστήσαντα τοὺσ οἰκήτορασ, οὓσ πρότερον ἐξαγηόχει, σὺν δὲ τούτοισ ὅπλα καὶ βέλη καὶ τὰσ ἄλλασ παρασκευάσ.

ἀποδοῦναι δὲ καὶ Ἀριαράθῃ τῶν τε χωρίων ὅσα παρῄρητο μετὰ τῆσ προϋπαρχούσησ κατασκευῆσ καὶ τοὺσ ὁμήρουσ.

ἀποδοῦναι δὲ καὶ Τίον παρὰ τὸν Πόντον, ὃν μετά τινα χρόνον Εὐμένησ ἔδωκε Προυσίᾳ πεισθεὶσ μετὰ μεγάλησ χάριτοσ.

ἐγράφη δὲ καὶ τοὺσ αἰχμαλώτουσ ἀποκαταστῆσαι Φαρνάκην χωρὶσ λύτρων καὶ τοὺσ αὐτομόλουσ ἅπαντασ·

καὶ τοῖσ περὶ τὸν Εὐμένη τριακόσια προσθεῖναι τῆσ εἰσ τὸν πόλεμον δαπάνησ.

ἐπεγράφη δὲ καὶ Μιθριδάτῃ τῷ τῆσ Ἀρμενίασ σατράπῃ τριακόσια τάλαντα, διότι παραβὰσ τὰσ πρὸσ Εὐμένη συνθήκασ ἐπολέμησεν Ἀριαράθῃ.

τῶν δὲ κατὰ τὴν Εὐρώπην Γάταλοσ ὁ Σαρμάτησ, τῶν δ’ αὐτονομουμένων Ἡρακλεῶται, Μεσημβριανοί, Χερρονησῖται, σὺν δὲ τούτοισ Κυζικηνοί.

περὶ δὲ τῶν ὁμήρων τελευταῖον ἐγράφη πόσουσ δεήσει καὶ τίνασ δοῦναι τὸν Φαρνάκην·

ὧν καὶ παραγενηθέντων ἐξ αὐτῆσ ἀνέζευξαν αἱ δυνάμεισ. καὶ τοῦ μὲν Εὐμένει καὶ Ἀριαράθῃ πρὸσ Φαρνάκην συστάντοσ πολέμου τοιοῦτον ἀπέβη τὸ τέλοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 25, ii. res asiae

(폴리비오스, Histories, book 25, ii. res asiae)

상위

목록

SEARCH

MENU NAVIGATION