헬라어 문장 검색 - ΠολψβίΗιστορί20́011́

(폴리비오스, Histories, book 20, chapter 11)

Περὶ δὲ τῆσ συμβάσησ τῷ Νικάνδρῳ περιπετείασ οὐκ ἄξιον παρασιωπῆσαι. παρεγενήθη μὲν γὰρ ἐκ τῆσ Ἐφέσου δωδεκαταῖοσ εἰσ τὰ Φάλαρα πάλιν, ἀφ’ ἧσ ὡρ́μηθ’ ἡμέρασ·

τὰ μὲν χρήματ’ εἰσ τὴν Λαμίαν διεκόμισε παραδόξωσ, αὐτὸσ δὲ τῆσ νυκτὸσ ἐπεβάλετο κατὰ τὸν μεταξὺ τόπον τῶν στρατοπέδων διαπεσεῖν εἰσ τὴν Ὑπάταν.

ἐμπεσὼν δ’ εἰσ τοὺσ προκοίτουσ τῶν Μακεδόνων ἀνήγετο πρὸσ τὸν Φίλιππον ἔτι τῆσ συνουσίασ ἀκμαζούσησ, προσδοκῶν πείσεσθαί τι δεινὸν πεσὼν ὑπὸ τοῦ Φιλίππου τὸν θυμὸν ἢ παραδοθήσεσθαι τοῖσ Ῥωμαίοισ.

τοῦ δὲ πράγματοσ ἀγγελθέντοσ τῷ βασιλεῖ, ταχέωσ ἐκέλευσε τοὺσ ἐπὶ τούτων ὄντασ θεραπεῦσαι τὸν Νίκανδρον καὶ τὴν λοιπὴν ἐπιμέλειαν αὐτοῦ ποιήσασθαι φιλάνθρωπον.

μετὰ δέ τινα χρόνον αὐτὸσ ἐξαναστὰσ συνέμιξε τῷ Νικάνδρῳ καὶ πολλὰ καταμεμψάμενοσ τὴν κοινὴν τῶν Αἰτωλῶν ἄγνοιαν, ἐξ ἀρχῆσ μέν, ὅτι Ῥωμαίουσ ἐπαγάγοιεν τοῖσ Ἕλλησι, μετὰ δὲ ταῦτα πάλιν Ἀντίοχον, ὅμωσ ἔτι καὶ νῦν παρεκάλει λήθην ποιησαμένουσ τῶν προγεγονότων ἀντέχεσθαι τῆσ πρὸσ αὑτὸν εὐνοίασ καὶ μὴ θελῆσαι συνεπεμβαίνειν τοῖσ κατ’ ἀλλήλων καιροῖσ.

ταῦτα μὲν οὖν παρῄνει τοῖσ προεστῶσι τῶν Αἰτωλῶν ἀναγγέλλειν·

αὐτὸν δὲ τὸν Νίκανδρον παρακαλέσασ μνημονεύειν τῆσ εἰσ αὐτὸν γεγενημένησ εὐεργεσίασ ἐξέπεμπε μετὰ προπομπῆσ ἱκανῆσ, παραγγείλασ τοῖσ ἐπὶ τούτῳ τεταγμένοισ ἀσφαλῶσ εἰσ τὴν Ὑπάταν αὐτὸν ἀποκαταστῆσαι. ὁ δὲ Νίκανδροσ, τελέωσ ἀνελπίστου καὶ παραδόξου φανείσησ αὐτῷ τῆσ ἀπαντήσεωσ, τότε μὲν ἀνεκομίσθη πρὸσ τοὺσ οἰκείουσ, κατὰ δὲ τὸν ἑξῆσ χρόνον ἀπὸ ταύτησ τῆσ συστάσεωσ εὔνουσ ὢν διετέλει τῇ Μακεδόνων οἰκίᾳ.

διὸ καὶ μετὰ ταῦτα κατὰ τοὺσ Περσικοὺσ καιροὺσ ἐνδεδεμένοσ τῇ προειρημένῃ χάριτι καὶ δυσχερῶσ ἀντιπράττων ταῖσ τοῦ Περσέωσ ἐπιβολαῖσ, εἰσ ὑποψίασ καὶ διαβολὰσ ἐμπεσὼν καὶ τέλοσ ἀνακληθεὶσ εἰσ Ῥώμην ἐκεῖ μετήλλαξε τὸν βίον.

‐ Κόραξ, ὄροσ μεταξὺ Καλλιπόλεωσ καὶ Ναυπάκτου. Πολύβιοσ εἰκοστῷ.

‐ Ἀπεράντεια, πόλισ Θεσσαλίασ. Πολύβιοσ εἰκοστῷ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 20, chapter 11

(폴리비오스, Histories, book 20, chapter 11)

상위

목록

SEARCH

MENU NAVIGATION