헬라어 문장 검색 - ΠολψβίΗιστορί20́010́

(폴리비오스, Histories, book 20, chapter 10)

Πλὴν ταῦτα κρίναντεσ ἐξέπεμψαν ἅμα τῷ Λευκίῳ τοὺσ περὶ Φαινέαν διασαφήσοντασ τὰ δεδογμένα τῷ Μανίῳ κατὰ σπουδήν· οἳ καὶ συμμίξαντεσ τῷ στρατηγῷ καὶ πάλιν ὁμοίωσ δικαιολογηθέντεσ ὑπὲρ αὑτῶν, ἐπὶ καταστροφῆσ εἶπαν διότι κέκριται τοῖσ Αἰτωλοῖσ σφᾶσ αὐτοὺσ ἐγχειρίζειν εἰσ τὴν Ῥωμαίων πίστιν.

ὁ δὲ Μάνιοσ μεταλαβών "Οὐκοῦν οὕτωσ ἔχει ταῦτα," φησίν, " ὦ ἄνδρεσ Αἰτωλοί;

δεύτερον Δικαίαρχον ἔκδοτον δοῦναι καὶ Μενέστρατον τὸν Ἠπειρώτην," ὃσ ἐτύγχανε τότε παραβεβοηθηκὼσ εἰσ Ναύπακτον, "σὺν δὲ τούτοισ Ἀμύνανδρον τὸν βασιλέα καὶ τῶν Ἀθαμάνων τοὺσ ἅμα τούτῳ συναποχωρήσαντασ πρὸσ αὐτούσ.

" ὁ δὲ Φαινέασ μεσολαβήσασ "Ἀλλ’ οὔτε δίκαιον," ἔφησεν, "οὔθ’ Ἑλληνικόν ἐστιν, ὦ στρατηγέ, τὸ παρακαλούμενον.

ὁ δὲ Μάνιοσ οὐχ οὕτωσ ὀργισθεὶσ ὡσ βουλόμενοσ εἰσ ἔννοιαν αὐτοὺσ ἀγαγεῖν τῆσ περιστάσεωσ καὶ καταπλήξασθαι τοῖσ ὅλοισ, "Ἔτι γὰρ ὑμεῖσ ἑλληνοκοπεῖτε" φησὶ "καὶ περὶ τοῦ πρέποντοσ καὶ καθήκοντοσ ποιεῖσθε λόγον, δεδωκότεσ ἑαυτοὺσ εἰσ τὴν πίστιν;

οὓσ ἐγὼ δήσασ εἰσ τὴν ἅλυσιν ἀπάξω πάντασ, ἂν τοῦτ’ ἐμοὶ δόξῃ. " ταῦτα λέγων φέρειν ἅλυσιν ἐκέλευσε καὶ σκύλακα σιδηροῦν ἑκάστῳ περιθεῖναι περὶ τὸν τράχηλον.

οἱ μὲν οὖν περὶ τὸν Φαινέαν ἔκθαμβοι γεγονότεσ ἕστασαν ἄφωνοι πάντεσ, οἱονεὶ παραλελυμένοι καὶ τοῖσ σώμασι καὶ ταῖσ ψυχαῖσ διὰ τὸ παράδοξον τῶν ἀπαντωμένων·

ὁ δὲ Λεύκιοσ καί τινεσ ἕτεροι τῶν συμπαρόντων χιλιάρχων ἐδέοντο τοῦ Μανίου μηδὲν βουλεύσασθαι δυσχερὲσ ὑπὲρ τῶν παρόντων ἀνδρῶν, ἐπεὶ τυγχάνουσιν ὄντεσ πρεσβευταί.

τοῦ δὲ συγχωρήσαντοσ ἤρξατο λέγειν ὁ Φαινέασ· ἔφη γὰρ αὑτὸν καὶ τοὺσ ἀποκλήτουσ ποιήσειν τὰ προσταττόμενα, προσδεῖσθαι δὲ καὶ τῶν πολλῶν, εἰ μέλλει κυρωθῆναι τὰ παραγγελλόμενα.

τοῦ δὲ Μανίου φήσαντοσ αὐτὸν ὀρθῶσ λέγειν, ἠξίου πάλιν ἀνοχὰσ αὑτοῖσ δοθῆναι δεχημέρουσ.

συγχωρηθέντοσ δὲ καὶ τούτου, τότε μὲν ἐπὶ τούτοισ ἐχωρίσθησαν· παραγενόμενοι δ’ εἰσ τὴν Ὑπάταν διεσάφουν τοῖσ ἀποκλήτοισ τὰ γεγονότα καὶ τοὺσ ῥηθέντασ λόγουσ.

ὧν ἀκούσαντεσ τότε πρῶτον ἔννοιαν ἔλαβον Αἰτωλοὶ τῆσ αὑτῶν ἀγνοίασ καὶ τῆσ ἐπιφερομένησ αὐτοῖσ ἀνάγκησ. διὸ γράφειν ἔδοξεν εἰσ τὰσ πόλεισ καὶ συγκαλεῖν τοὺσ Αἰτωλοὺσ χάριν τοῦ βουλεύσασθαι περὶ τῶν προσταττομένων.

διαδοθείσησ δὲ τῆσ φήμησ ὑπὲρ τῶν ἀπηντημένων τοῖσ περὶ τὸν Φαινέαν, οὕτωσ ἀπεθηριώθη τὸ πλῆθοσ ὥστ’ οὐδ’ ἀπαντᾶν οὐδεὶσ ἐπεβάλετο πρὸσ τὸ διαβούλιον.

τοῦ δ’ ἀδυνάτου κωλύσαντοσ βουλεύσασθαι περὶ τῶν ἐπιταττομένων, ἅμα δὲ καὶ τοῦ Νικάνδρου κατὰ τὸν καιρὸν τοῦτον καταπλεύσαντοσ ἐκ τῆσ Ἀσίασ εἰσ τὰ Φάλαρα τοῦ κόλπου τοῦ Μηλιέωσ, ὅθεν καὶ τὴν ὁρμὴν ἐποιήσατο, καὶ διασαφοῦντοσ τὴν τοῦ βασιλέωσ εἰσ αὑτὸν προθυμίαν καὶ τὰσ εἰσ τὸ μέλλον ἐπαγγελίασ, ἔτι μᾶλλον ὠλιγώρησαν, τοῦ μηδὲν γενέσθαι πέρασ ὑπὲρ τῆσ εἰρήνησ.

ὅθεν ἅμα τῷ διελθεῖν τὰσ ἐν ταῖσ ἀνοχαῖσ ἡμέρασ κατάμονοσ αὖθισ ὁ πόλεμοσ ἐγεγόνει τοῖσ Αἰτωλοῖσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 20, chapter 10

(폴리비오스, Histories, book 20, chapter 10)

상위

목록

SEARCH

MENU NAVIGATION