헬라어 문장 검색 - ΠολψβίΗιστορί20́006́

(폴리비오스, Histories, book 20, chapter 6)

καὶ τῆσ κατὰ τὴν οὐσίαν ἐπιδόσεωσ· τὰ δὲ κοινὰ τῶν Βοιωτῶν εἰσ τοσαύτην παραγεγόνει καχεξίαν ὥστε σχεδὸν εἴκοσι καὶ πέντ’ ἐτῶν τὸ δίκαιον μὴ διεξῆχθαι παρ’ αὐτοῖσ μήτε περὶ τῶν ἰδιωτικῶν συμβολαίων μήτε περὶ τῶν κοινῶν ἐγκλημάτων, ἀλλ’ οἱ μὲν φρουρὰσ παραγγέλλοντεσ τῶν ἀρχόντων, οἱ δὲ στρατείασ κοινάσ, ἐξέκοπτον ἀεὶ τὴν δικαιοδοσίαν· ἔνιοι δὲ τῶν στρατηγῶν καὶ μισθοδοσίασ ἐποίουν ἐκ τῶν κοινῶν τοῖσ ἀπόροισ τῶν ἀνθρώπων.

ἐξ ὧν ἐδιδάχθη τὰ πλήθη τούτοισ προσέχειν καὶ τούτοισ περιποιεῖν τὰσ ἀρχάσ, δι’ ὧν ἔμελλε τῶν μὲν ἀδικημάτων καὶ τῶν ὀφειλημάτων οὐχ ὑφέξειν δίκασ, προσλήψεσθαι δὲ τῶν κοινῶν αἰεί τι διὰ τὴν τῶν ἀρχόντων χάριν.

Ὀφέλτασ, αἰεί τι προσεπινοῶν ὃ κατὰ τὸ παρὸν ἐδόκει τοὺσ πολλοὺσ ὠφελεῖν, μετὰ δὲ ταῦτα πάντασ ἀπολεῖν ἔμελλεν ὁμολογουμένωσ.

τούτοισ δ’ ἠκολούθησε καὶ ἕτεροσ ζῆλοσ οὐκ εὐτυχήσ.

οἱ μὲν γὰρ ἄτεκνοι τὰσ οὐσίασ οὐ τοῖσ κατὰ γένοσ ἐπιγενομένοισ τελευτῶντεσ ἀπέλειπον, ὅπερ ἦν ἔθοσ παρ’ αὐτοῖσ πρότερον, ἀλλ’ εἰσ εὐωχίασ καὶ μέθασ διετίθεντο καὶ κοινὰσ τοῖσ φίλοισ ἐποίουν· πολλοὶ δὲ καὶ τῶν ἐχόντων γενεὰσ ἀπεμέριζον τοῖσ συσσιτίοισ τὸ πλεῖον μέροσ τῆσ οὐσίασ, ὥστε πολλοὺσ εἶναι Βοιωτῶν οἷσ ὑπῆρχε δεῖπνα τοῦ μηνὸσ πλείω τῶν εἰσ τὸν μῆνα διατεταγμένων ἡμερῶν.

διὸ καὶ Μεγαρεῖσ, μισήσαντεσ μὲν τὴν τοιαύτην κατάστασιν, μνησθέντεσ δὲ τῆσ προγεγενημένησ αὐτοῖσ μετὰ τῶν Ἀχαιῶν συμπολιτείασ, αὖτισ ἀπένευσαν πρὸσ τοὺσ Ἀχαιοὺσ καὶ τὴν ἐκείνων αἱρ́εσιν.

Μεγαρεῖσ γὰρ ἐξ ἀρχῆσ μὲν ἐπολιτεύοντο μετὰ τῶν Ἀχαιῶν ἀπὸ τῶν κατ’ Ἀντίγονον τὸν Γονατᾶν χρόνων·

ὅτε δὲ Κλεομένησ εἰσ τὸν Ἰσθμὸν προεκάθισεν, διακλεισθέντεσ προσέθεντο τοῖσ Βοιωτοῖσ μετὰ τῆσ τῶν Ἀχαιῶν γνώμησ. βραχὺ δὲ πρὸ τῶν νῦν λεγομένων καιρῶν δυσαρεστήσαντεσ τῇ πολιτείᾳ τῶν Βοιωτῶν αὖτισ ἀπένευσαν πρὸσ τοὺσ Ἀχαιούσ.

οἱ δὲ Βοιωτοὶ διοργισθέντεσ ἐπὶ τῷ καταφρονεῖσθαι δοκεῖν ἐξῆλθον ἐπὶ τοὺσ Μεγαρεῖσ πανδημεὶ σὺν τοῖσ ὅπλοισ.

οὐδένα δὲ ποιουμένων λόγον τῶν Μεγαρέων τῆσ παρουσίασ αὐτῶν, οὕτω θυμωθέντεσ πολιορκεῖν ἐπεβάλοντο καὶ προσβολὰσ ποιεῖσθαι τῇ πόλει.

πανικοῦ δ’ ἐμπεσόντοσ αὐτοῖσ καὶ φήμησ ὅτι πάρεστιν Φιλοποίμην τοὺσ Ἀχαιοὺσ ἔχων, ἀπολιπόντεσ πρὸσ τῷ τείχει τὰσ κλίμακασ ἔφυγον προτροπάδην εἰσ τὴν οἰκείαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 20, chapter 6

(폴리비오스, Histories, book 20, chapter 6)

상위

목록

SEARCH

MENU NAVIGATION