헬라어 문장 검색 - ΠολψβίΗιστορί20́005́

(폴리비오스, Histories, book 20, chapter 5)

Τὰ δὲ κεφάλαια τῆσ κατὰ μέροσ ἀγνοίασ ἐχειρίσθη παρ’ αὐτοῖσ τὸν τρόπον τοῦτον. μετὰ γὰρ τὴν προειρημένην ἧτταν εὐθέωσ ἐγκαταλιπόντεσ τοὺσ Ἀχαιοὺσ προσένειμαν Αἰτωλοῖσ τὸ ἔθνοσ.

ἀνελομένων δὲ καὶ τούτων πόλεμον μετά τινα χρόνον πρὸσ Δημήτριον τὸν Φιλίππου πατέρα, πάλιν ἐγκαταλιπόντεσ τούτουσ, καὶ παραγενομένου Δημητρίου μετὰ δυνάμεωσ εἰσ τὴν Βοιωτίαν οὐδενὸσ πεῖραν λαβόντεσ τῶν δεινῶν, ὑπέταξαν σφᾶσ αὐτοὺσ ὁλοσχερῶσ Μακεδόσι.

βραχέοσ δ’ αἰθύγματοσ ἐγκαταλειπομένου τῆσ προγονικῆσ δόξησ, ἦσάν τινεσ οἳ δυσηρεστοῦντο τῇ παρούσῃ καταστάσει καὶ τῷ πάντα πείθεσθαι Μακεδόσι.

διὸ καὶ μεγάλην ἀντιπολιτείαν εἶναι συνέβαινε τούτοισ πρὸσ τοὺσ περὶ τὸν Ἀσκώνδαν καὶ Νέωνα, τοὺσ Βραχύλλου προγόνουσ·

οὗτοι γὰρ ἦσαν οἱ μάλιστα τότε μακεδονίζοντεσ. οὐ μὴν ἀλλὰ τέλοσ κατίσχυσαν οἱ περὶ τὸν Ἀσκώνδαν γενομένησ τινὸσ περιπετείασ τοιαύτησ.

Ἀντίγονοσ μετὰ τὸν Δημητρίου θάνατον ἐπιτροπεύσασ Φιλίππου, πλέων ἐπί τινασ πράξεισ πρὸσ τὰσ ἐσχατιὰσ τῆσ Βοιωτίασ πρὸσ Λάρυμναν, παραδόξου γενομένησ ἀμπώτεωσ ἐκάθισαν εἰσ τὸ ξηρὸν αἱ νῆεσ αὐτοῦ.

καὶ δυνάμενοσ μεγάλα βλάψαι τοὺσ Μακεδόνασ ἔδοξε φείσασθαι παρὰ τὴν προσδοκίαν αὐτῶν.

τοῖσ μὲν οὖν ἄλλοισ Βοιωτοῖσ ἤρεσκε τοῦτο πράξασ, τοῖσ δὲ Θηβαίοισ οὐχ ὅλωσ εὐδόκει τὸ γεγονόσ.

ἐπελθούσησ μετ’ ὀλίγον τῆσ πλήμησ καὶ κουφισθεισῶν τῶν νεῶν, τῷ μὲν Νέωνι μεγάλην εἶχε χάριν ἐπὶ τῷ μὴ συνεπιτεθεῖσθαι σφίσι κατὰ τὴν περιπέτειαν, αὐτὸσ δὲ τὸν προκείμενον ἐτέλει πλοῦν εἰσ τὴν Ἀσίαν.

διὸ καὶ μετὰ ταῦτα, νικήσασ Κλεομένη τὸν Σπαρτιάτην καὶ κύριοσ γενόμενοσ τῆσ Λακεδαίμονοσ, ἐπιστάτην ἀπέλειπε τῆσ πόλεωσ Βραχύλλην, ταύτην αὐτῷ χάριν ἀποδιδοὺσ τῆσ τοῦ πατρὸσ Νέωνοσ εὐεργεσίασ·

ἐξ ὧν οὐδὲ κατὰ μικρὸν συνέβη τὴν οἰκίαν ἐπανορθωθῆναι τὴν περὶ τὸν Βραχύλλην. οὐ μόνον δὲ ταύτην αὐτῶν ἔσχε τὴν πρόνοιαν, ἀλλὰ καὶ κατὰ τὸ συνεχέσ, ὁτὲ μὲν αὐτόσ, ὁτὲ δὲ Φιλίπποσ, χορηγοῦντεσ καὶ συνεπισχύοντεσ αἰεί, ταχέωσ κατηγωνίσαντο τοὺσ ἐν ταῖσ Θήβαισ αὐτοῖσ ἀντιπολιτευομένουσ καὶ πάντασ ἠνάγκασαν μακεδονίζειν πλὴν τελέωσ ὀλίγων τινῶν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 20, chapter 5

(폴리비오스, Histories, book 20, chapter 5)

상위

목록

SEARCH

MENU NAVIGATION