헬라어 문장 검색 - Πλυταρ́Ϝιταεδέ11́3́

(플루타르코스, Vitae decem oratorum, ψηφίσματα, G.)

Λυκόφρων Λυκούργου Βουτάδησ ἀπεγράψατο αὑτῷ εἶναι σίτησιν ἐν πρυτανείῳ κατὰ τὴν δοθεῖσαν δωρεὰν ὑπὸ τοῦ δήμου Λυκούργῳ Βουτάδῃ. ἐπὶ Ἀναξικράτουσ ἄρχοντοσ, ἐπὶ τῆσ Ἀντιοχίδοσ ἕκτησ πρυτανείασ, Στρατοκλῆσ Εὐθυδήμου Διομειεὺσ εἶπεν.

ἐπειδὴ Λυκοῦργοσ Λυκόφρονοσ Βουτάδησ παραλαβὼν παρὰ τῶν ἑαυτοῦ προγόνων οἰκείαν ἐκ παλαιοῦ τὴν πρὸσ τὸν δῆμον εὔνοιαν, καὶ οἱ πρόγονοι οἱ Λυκούργου, Λυκομήδησ τε καὶ Λυκοῦργοσ, καὶ ζῶντεσ ἐτιμῶντο ὑπὸ τοῦ δήμου καὶ τελευτήσασιν αὐτοῖσ δι’ ἀνδραγαθίαν ἔδωκεν ὁ δῆμοσ δημοσίασ ταφὰσ ἐν Κεραμεικῷ ·

πολιτευόμενοσ νόμουσ τε πολλοὺσ καὶ καλοὺσ ἔθηκε τῇ πατρίδι, καὶ γενόμενοσ τῆσ κοινῆσ προσόδου ταμίασ τῇ πόλει ἐπὶ τρεῖσ πενταετηρίδασ καὶ διανείμασ ἐκ τῆσ κοινῆσ προσόδου μύρια καὶ ὀκτακισχίλια καὶ ἐνακόσια τάλαντα·

πολλὰ δὲ τῶν ἰδιωτῶν διὰ πίστεωσ λαβὼν καὶ προδανείσασ καὶ εἰσ τοὺσ τῆσ πόλεωσ καιροὺσ καὶ τοῦ δήμου τὰ πάντα ἑξακόσια καὶ πεντήκοντα τάλαντα·

δόξασ δὲ ἅπαντα ταῦτα δικαίωσ διῳκηκέναι πολλάκισ ἐστεφανώθη ὑπὸ τῆσ πόλεωσ· εἰσ ἑκατὸν κανηφόρουσ χειροτονηθεὶσ δὲ ἐπὶ τῆσ τοῦ πολέμου παρασκευῆσ ὅπλα μὲν πολλὰ καὶ βελῶν μυριάδασ πέντε ἀνήνεγκεν εἰσ τὴν ἀκρόπολιν, τετρακοσίασ δὲ τριήρεισ πλωΐμουσ κατεσκεύασε, τὰσ μὲν ἐπισκευάσασ τὰσ δὲ ἐξ ἀρχῆσ ναυπηγησάμενοσ·

πρὸσ τε τούτοισ ἡμίεργα παραλαβὼν τούσ τε νεωσοίκουσ καὶ τὴν σκευοθήκην καὶ τὸ θέατρον τὸ Διονυσιακὸν ἐξειργάσατο, καὶ ἐπετέλεσε τό τε στάδιον τὸ Παναθηναϊκὸν καὶ τὸ γυμνάσιον τὸ κατὰ Λύκειον κατεσκεύασε, καὶ ἄλλαισ πολλαῖσ κατασκευαῖσ ἐκόσμησε τὴν πόλιν·

μὲν τὴν Ἀσίαν κατεστραμμένου, κοινῇ δὲ πᾶσι τοῖσ Ἕλλησιν ἐπιτάττειν ἀξιοῦντοσ, ἐξαιτήσαντοσ Λυκοῦργον ὡσ ἐναντία πράττοντα αὐτῷ, οὐκ ἐξέδωκεν ὁ δῆμοσ παρ’ Ἀλεξάνδρου φόβον·

καὶ διδοὺσ εὐθύνασ πολλάκισ τῶν πεπολιτευμένων ἐν ἐλευθέρᾳ καὶ δημοκρατουμένῃ τῇ πόλει διετέλεσεν ἀνεξέλεγκτοσ καὶ ἀδωροδόκητοσ τὸν ἅπαντα χρόνον·

ὅπωσ ἂν εἰδῶσι πάντεσ, διότι τοὺσ προαιρουμένουσ ὑπὲρ τῆσ δημοκρατίασ καὶ τῆσ ἐλευθερίασ δικαίωσ πολιτεύεσθαι καὶ ζῶντασ μὲν περὶ πλείστου ποιεῖται καὶ τελευτήσασι δὲ ἀποδίδωσι χάριτασ ἀειμνήστουσ ἀγαθῇ τύχῃ δεδόχθαι τῷ δήμῳ ἐπαινέσαι μὲν Λυκοῦργον Λυκόφρονοσ Βουτάδην ἀρετῆσ ἕνεκα καὶ δικαιοσύνησ καὶ στῆσαι αὐτοῦ τὸν δῆμον χαλκῆν εἰκόνα ἐν ἀγορᾷ, πλὴν εἴ που ὁ νόμοσ ἀπαγορεύει μὴ ἱστάναι; τῶν στηλῶν δοῦναι τὸν ταμίαν τοῦ δήμου πεντήκοντα δραχμὰσ ἐκ τῶν εἰσ τὰ ψηφίσματα ἀναλισκομένων τῷ δήμῳ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Vitae decem oratorum, ψηφίσματα, G.

(플루타르코스, Vitae decem oratorum, ψηφίσματα, G.)

상위

목록

SEARCH

MENU NAVIGATION