Plutarch, Regum et imperatorum apophthegmata, Τίτου Κοιντίου, section 4

Ἀντιόχου δὲ τοῦ βασιλέωσ μετὰ πολλῆσ δυνάμεωσ ἥκοντοσ εἰσ τὴν Ἑλλάδα καὶ πάντων ἐκπεπληγμένων τὰ πλήθη καὶ τοὺσ ὁπλισμούσ, λόγον εἶπε τοιοῦτον πρὸσ τοὺσ Ἀχαιούσ· ἔφη γὰρ ἐν Χαλκίδι παρά τῳ ξένῳ δειπνῶν θαυμάζειν τό τῶν κρεῶν πλῆθοσ· εἰπεῖν δὲ τόν ξένον ὅτι ταῦτα πάντα χοίρειά ἐστιν ἡδύσμασι καὶ σκευασίαισ διαφέροντα. "θαυμάζετε τήν βασιλικήν δύναμιν, λογχοφόρουσ καὶ καταφράκτουσ καὶ πεζεταίρουσ καὶ ἀμφιπποτοξότασ ἀκούοντεσ· "πάντεσ γάρ εἰσιν οὗτοι Σύροι ὁπλαρίοισ ἀλλήλων διαφέροντεσ.