Plutarch, Regum et imperatorum apophthegmata, Φαβίου Μαξίμου, section 1

Φάβιοσ Μάξιμοσ Ἀννίβᾳ μάχεσθαι μὴ βουλόμενοσ ἀλλὰ τρίβειν χρόνῳ τὴν δύναμιν αὐτοῦ, καὶ χρημάτων ἐνδεᾶ καὶ σιτίων οὖσαν, ἐπηκολούθει διὰ τῶν τραχέων καὶ ὀρεινῶν ἀντιπαρεξιών· καταγελώντων δὲ τῶν πολλῶν καὶ παιδαγωγὸν Ἀννίβα καλούντων, μικρὰ φροντίζων ἐχρῆτο τοῖσ αὑτοῦ λογισμοῖσ· καὶ πρὸσ τοὺσ φίλουσ ἔλεγεν ὅτι τὸν σκώμματα φοβούμενον καὶ λοιδορίασ δειλότερον ἡγεῖται τοῦ φεύγοντοσ τοὺσ πολεμίουσ.