Plutarch, Regum et imperatorum apophthegmata, Ἀγησιλάου, section 11

ἐπεὶ δὲ πεμφθεὶσ τῷ βασιλεῖ τῶν Αἰγυπτίων σύμμαχοσ ἐπολιορκεῖτο μετ’ αὐτοῦ, πολλαπλασιόνων ὄντων τῶν πολεμίων καὶ περιταφρευόντων τὸ στρατόπεδον, κελεύσαντοσ ἐπεξιέναι καὶ διαμάχεσθαι τοῦ βασιλέωσ, οὐκ ἔφη διακωλύσειν τοὺσ πολεμίουσ ἴσουσ αὐτοῖσ γενέσθαι βουλομένουσ. ἔτι δὲ μικρὸν ἀπολιπούσησ τῆσ τάφρου συνάψαι, κατὰ τοῦτο παρατάξασ τὸ διαλεῖπον καὶ πρὸσ ἴσουσ ἴσοισ ἀγωνισάμενοσ ἐνίκησεν.