Plutarch, Quaestiones Graecae, section 41

"πόθεν ἐν τῇ Βοιωτίᾳ περὶ τὸν Ἐλέωνα ποταμὸσ Σκάμανδροσ ὠνομάσθη" Δηίμαχοσ ὁ Ἐλεῶνοσ υἱόσ, ἑταῖροσ ὢν Ἡρακλέουσ, μετέσχε τῆσ ἐπὶ Τροίαν στρατείασ· τοῦ δὲ πολέμου μῆκοσ ὡσ ἐοίκε λαμβάνοντοσ, ἐρασθεῖσαν αὐτοῦ Γλαυκίαν τὴν Σκαμάνδρου θυγατέρα προσδεξάμενοσ ἔγκυον ἐποίησεν, εἶτ’ αὐτὸσ μὲν ἔπεσε μαχόμενοσ τοῖσ Τρωσὶν ἡ δὲ Γλαυκία φοβουμένη κατάφωροσ γενέσθαι τῷ Ἡρακλεῖ κατέφυγε, καὶ κατεῖπεν αὑτῆσ τὸν ἔρωτα καὶ τὴν γενομένην πρὸσ τὸν Δηίμαχον ὁμιλίαν.

ὁ δ’ ἅμα μὲν οἴκτῳ τῆσ γυναικὸσ ἅμα δὲ χαίρων τῷ ὑπολείπεσθαι γένοσ ἀνδρὸσ ἀγαθοῦ καὶ συνήθουσ, ἀνέλαβε τὴν Γλαυκίαν εἰσ τὰσ ναῦσ, καὶ τεκοῦσαν υἱὸν ἀγαγὼν ἐν τῇ Βοιωτίᾳ ἀπέδωκε τῷ Ἐλέωνι καὶ τὸ παιδίον καὶ αὐτήν.

ὠνομάσθη δ’ ὁ παῖσ; Σκάμανδροσ καὶ τῆσ χώρασ ἐβασίλευσε.

καὶ τὸν μὲν Ἴναχον ποταμὸν ἀπ’ αὐτοῦ Σκάμανδρον, τὸ δὲ πλησίον ῥεῦμα Γλαυκίαν ἀπὸ τῆσ μητρὸσ ὠνόμασεν· προσαγορεύοντεσ "ἀπὸ τίνοσ ἐρρήθη τὸ παροιμιῶδεσ αὕτα κυρία;