Plutarch, Quaestiones Graecae, section 58 1:

(플루타르코스, Quaestiones Graecae, section 58 1:)

ἐντυχὼν δὲ προβάτοισ ᾔτει κριὸν ἕνα παρὰ τοῦ νέμοντοσ· ὁ δ’ ἄνθρωποσ ἐκαλεῖτο μὲν Ἀνταγόρασ, ἀκμάζων δὲ τῇ ῥώμῃ τοῦ σώματοσ ἐκέλευσεν αὑτῷ διαπαλαῖσαι τὸν Ἡρακλέα, κἂν καταβάλῃ, τὸν κριὸν φέρεσθαι. καὶ συμπεσόντοσ αὐτῷ τοῦ Ἡρακλέουσ ἐσ χεῖρασ, οἱ Μέροπεσ τῷ Ἀνταγόρᾳ παραβοηθοῦντεσ, οἱ δὲ Ἕλληνεσ τῷ Ἡρακλεῖ, μάχην καρτερὰν συνῆψαν, ἐν ᾗ λέγεται τῷ πλήθει καταπονούμενοσ ὁ Ἡρακλῆσ καταφυγεῖν πρὸσ γυναῖκα Θρᾷτταν καὶ διαλαθεῖν ἐσθῆτι γυναικείᾳ κατακρύψασ ἑαυτόν. ἐπεὶ δὲ τῶν Μερόπων αὖθισ κρατήσασ καὶ καθαρθεὶσ ἐγάμει τὴν Χαλκιοπήν, ἀνέλαβε στολὴν ἀνθίνην.

일치하는 문장이 없습니다.

SEARCH

MENU NAVIGATION