헬라어 문장 검색 - Πλυταρ́Θυαεστι

(플루타르코스, Quaestiones Graecae, section 37)

"διὰ τί Ταναγραίοισ πρὸ τῆσ πόλεωσ ἔστιν Ἀχίλλειον, τόποσ οὕτω προσαγορευόμενοσ; "ἔχθρα γὰρ αὐτῷ μᾶλλον ἢ φιλία λέγεται γεγονέναι πρὸσ τὴν πόλιν, ἁρπάσαντι μὲν τὴν μητέρα τοῦ Ποιμάνδρου Στρατονίκην, ἀποκτείναντι δ’ υἱὸν Ἐφίππου Ἀκέστορα. Ποίμανδροσ τοίνυν ὁ Ἐφίππου πατήρ, ἔτι τῆσ Ταναγρικῆσ κατὰ κώμασ οἰκουμένησ, ἐν τῷ καλουμένῳ Στέφοντι πολιορκούμενοσ ὑπὸ τῶν Ἀχαιῶν διὰ τὸ μὴ βούλεσθαι συστρατεύειν, ἐξέλιπε τὸ χωρίον ἐκεῖνο νύκτωρ καὶ τὴν Ποιμανδρίαν ἐτείχισε, παρὼν δὲ Πολύκριθοσ ὁ ἀρχιτέκτων διαφαυλίζων τὰ ἔργα καὶ καταγελῶν ὑπερήλατο τὴν τάφρον. ὀργισθεὶσ ὁ Ποίμανδροσ ὡρ́μησε λίθον ἐμβαλεῖν αὐτῷ μέγαν, ὃσ ἦν αὐτόθι κεκρυμμένοσ ἐκ παλαιοῦ, νυκτελίοισ ἱεροῖσ ἀποκείμενοσ·

τοῦτον ἀνασπάσασ ὑπ’ ἀγνοίασ ὁ Ποίμανδροσ ἔβαλε, καὶ τοῦ μὲν Πολυκρίθου διήμαρτε, Λεύκιππον δὲ τὸν υἱὸν ἀπέκτεινεν. ἔδει μὲν οὖν κατὰ τὸν νόμον ἐκ τῆσ Βοιωτίασ μεταστῆναι, ἐφέστιον καὶ ἱκέτην ξένον γενόμενον· οὐκ ἦν δὲ ῥᾴδιον, ἐμβεβληκότων εἰσ τὴν Ταναγρικὴν τῶν Ἀχαιῶν. ἔπεμψεν οὖν Ἔφιππον τὸν υἱὸν Ἀχιλλέωσ δεησόμενον. ὁ δὲ καὶ τοῦτον εἰσάγει πείσασ καὶ Τληπόλεμον τὸν Ἡρακλέουσ καὶ Πηνέλεων τὸν Ἱππάλκμου, συγγενεῖσ ἅπαντασ αὑτῶν ὄντασ. ὑφ’ ὧν ὁ Ποίμανδροσ εἰσ Χαλκίδα συνεκπεμφθεὶσ καὶ καθαρθεὶσ παρ’ Ἐλεφήνορι τὸν φόνον, ἐτίμησε τοὺσ ἄνδρασ καὶ τεμένη πᾶσιν ἐξεῖλεν, ὧν τὸ Ἀχιλλέωσ καὶ τοὔνομα διατετήρηκεν, "τίνεσ οἱ παρὰ Βοιωτοῖσ Ψολόεισ καὶ τίνεσ αἱ Ὀλεῖαι;

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Quaestiones Graecae, section 37

(플루타르코스, Quaestiones Graecae, section 37)

상위

목록

SEARCH

MENU NAVIGATION