헬라어 문장 검색 - Πλυταρ́Ινστιτύ42́

(플루타르코스, Instituta Laconica, section 42)

ἀπείρητο δ’ αὐτοῖσ ναύταισ εἶναι καὶ ναυμαχεῖν ὕστερον μέντοι ἐναυμάχησαν, καὶ τῆσ θαλάττησ κρατήσαντεσ πάλιν ἀπέστησαν, διαφθειρόμενα τὰ ἤθη τῶν πολιτῶν θεωροῦντεσ. ἀλλὰ πάλιν μετεβάλοντο καθάπερ ἐν τοῖσ ἄλλοισ πᾶσι· καὶ γὰρ χρημάτων συναχθέντων τοῖσ Λακεδαιμονίοισ, οἱ συναγαγόντεσ θανάτῳ κατεδικάσθησαν. Ἀλκαμένει γὰρ καὶ Θεοπόμπῳ τοῖσ βασιλεῦσι χρησμὸσ ἐδόθη ἁ φιλοχρηματία Σπάρταν ὀλέει. ἀλλ’ ὅμωσ Λύσανδροσ ἑλὼν Ἀθηναίουσ πολὺν χρυσὸν καὶ ἄργυρον εἰσήγαγε, καὶ παρεδέξαντο καὶ ἐτίμησαν τὸν ἄνδρα. τοῖσ μὲν οὖν Λυκούργου χρωμένη νόμοισ ἡ πόλισ καὶ τοῖσ ὁρ́κοισ ἐμμείνασα ἐπρώτευε τῆσ Ἑλλάδοσ εὐνομίᾳ καὶ δόξῃ χρόνον ἐτῶν πεντακοσίων· φιλοπλουτίασ παρεισδυομένησ, καὶ τὰ τῆσ δυνάμεωσ ἠλαττοῦτο καὶ οἱ σύμμαχοι διὰ ταῦτα δυσμενῶσ εἶχον πρὸσ αὐτούσ.

ἀλλ’ ὅμωσ οὕτωσ ἔχοντεσ μετὰ τὴν Φιλίππου τοῦ Μακεδόνοσ ἐν Χαιρωνείᾳ νίκην, πάντων αὐτὸν τῶν Ἑλλήνων ἡγεμόνα κατά τε γῆν καὶ κατὰ θάλατταν ἀναγορευσάντων, καὶ μεταξὺ δ’ Ἀλέξανδρον τὸν υἱὸν μετὰ τὴν Θηβαίων καταστροφήν, μόνοι Λακεδαιμόνιοι, καίπερ ἀτείχιστον πόλιν ἔχοντεσ καὶ ὀλίγοι πάνυ ὄντεσ διὰ τοὺσ συνεχεῖσ πολέμουσ καὶ πολὺ ἀσθενέστεροι καὶ εὐχείρωτοι γενόμενοι, πάνυ βραχέα τινὰ ζώπυρα διασῴζοντεσ τῆσ Λυκούργου νομοθεσίασ, οὔτε συνεστράτευσαν οὔτε τούτοισ οὔτε τοῖσ μεταξὺ Μακεδονικοῖσ βασιλεῦσιν, οὔτ’ εἰσ συνέδριον κοινὸν εἰσῆλθον οὐδὲ φόρον ἤνεγκαν· ἑώσ οὗ παντάπασιν ὑπεριδόντεσ τὴν Λυκούργου νομοθεσίαν ὑπὸ τῶν ἰδίων πολιτῶν ἐτυραννεύθησαν μηδὲν ἔτι σῴζοντεσ τῆσ πατρίου ἀγωγῆσ, καὶ παραπλήσιοι τοῖσ ἄλλοισ γενόμενοι τὴν πρόσθεν εὔκλειαν καὶ παρρησίαν ἀπέθεντο καὶ εἰσ δουλείαν μετέστησαν, καὶ νῦν ὑπὸ Ῥωμαίοισ καθάπερ οἱ ἄλλοι Ἕλληνεσ ἐγένοντο.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Instituta Laconica, section 42

(플루타르코스, Instituta Laconica, section 42)

상위

목록

SEARCH

MENU NAVIGATION