호흡부호 보기
강세부호 보기
장단부호 보기
작은 Iota 보기
모든 부호 보기
τὰ ἱμάτια δοκεῖ θερμαίνειν τὸν ἄνθρωπον, οὐκ αὐτὰ δήπου θερμαίνοντα καὶ προσβάλλοντα τὴν θερμότητα καθ’ ἑαυτὸ γὰρ ἕκαστον αὐτῶν ψυχρόν ἐστιν, ᾗ καὶ πολλάκισ οἱ καυματιζόμενοι καὶ πυρέττοντεσ ἐξ ἑτέρων ἕτερα μεταλαμβάνουσιν, ἀλλ’ ἣν ὁ ἄνθρωποσ ἀναδίδωσιν ἐξ ἑαυτοῦ θερμότητα, ταύτην ἡ ἐσθὴσ τῷ σώματι προσπεσοῦσα συνέχει καὶ περιστέλλει, καὶ καθειργνυμένην εἰσ τὸ σῶμα οὐκ ἐᾷ πάλιν σκεδάννυσθαι. ταὐτὸ δὴ τοῦτο τοῖσ πράγμασιν ὑπάρχον ἐξαπατᾷ τοὺσ πολλούσ, ὡσ, ἂν οἰκίασ μεγάλασ περιβάλωνται καὶ πλῆθοσ ἀνδραπόδων καὶ χρημάτων συναγάγωσιν, ἡδέωσ βιωσομένουσ.
τὸ δ’ ἡδέωσ ζῆν καὶ ἱλαρῶσ οὐκ ἔξωθέν ἐστιν, ἀλλὰ τοὐναντίον ὁ ἄνθρωποσ τοῖσ περὶ αὑτὸν πράγμασιν ἡδονὴν καὶ χάριν ὥσπερ ἐκ πηγῆσ τοῦ ἤθουσ προστίθησιν.
15 αἰθομένου δὲ πυρὸσ γεραρώτεροσ οἶκοσ ἰδέσθαι, καὶ πλοῦτοσ; ἡδίων καὶ δόξα λαμπροτέρα καὶ δύναμισ, ἂν τὸ ἀπὸ τῆσ ψυχῆσ ἔχῃ γῆθοσ·
ὅπου καὶ πενίαν καὶ φυγὴν καὶ γῆρασ ἐλαφρῶσ καὶ προσηνῶσ πρὸσ εὐκολίαν καὶ πραότητα τρόπου φέρουσιν.
호흡부호 보기
강세부호 보기
장단부호 보기
작은 Iota 보기
모든 부호 보기