헬라어 문장 검색 - Πλυταρ́Δεπριμό1́13́

(플루타르코스, De primo frigido, chapter, section 13)

τὸ λαμπρὸν καὶ τὸ θερμόν. ὅτι δ’ οὐ τοῦ ἀέροσ τὸ μέλαν ἀλλὰ τοῦ ὕδατόσ ἐστιν, ἡ αἴσθησισ ἐπιμαρτυρεῖ, τῷ μὲν ἀέρι μηδενὸσ ὡσ ἁπλῶσ εἰπεῖν μελαινομένου τῷ δ’ ὕδατι πάντων. .

ἂν γὰρ τὸ λευκότατον ἐμβάλῃσ ἔριον εἰσ ὕδωρ ἢ ἱμάτιον, ἀναφαίνεται μέλαν καὶ διαμένει, μέχρι ἂν ὑπὸ θερμότητοσ ἐξικμασθῇ τὸ ὑγρὸν ἤ τισι στρέβλαισ καὶ βάρεσιν ἐκπιεσθῇ τῆσ τε γῆσ ὕδατι ῥαινομένησ, διαμελαίνουσιν οἱ καταλαμβανόμενοι ταῖσ σταγόσι τόποι, τῶν ἄλλων ὁμοίων μενόντων. καὶ διαγελᾷ.

τῶν δ’ ἄλλων ὑγρῶν διαφανὲσ μάλιστα τοὔλαιόν ἐστι, πλείστῳ χρώμενον ἀέρι τούτου τεκμήριον κουφότησ, δι’ ἣν ἐπιπολάζει πᾶσιν ὑπὸ τοῦ ἀέροσ ἄνω φερόμενον, ποιεῖ δὲ καὶ τὴν γαλήνην ἐν τῇ θαλάττῃ τοῖσ κύμασιν ἐπιρραινόμενον, οὐ διὰ τὴν λειότητα τῶν ἀνέμων ἀπολισθαινόντων, ὡσ Ἀριστοτέλησ ἔλεγεν· ἀλλὰ παντὶ μὲν ὑγρῷ τὸ κῦμα διαχεῖται πληττόμενον, ἰδίωσ δὲ τοὔλαιον αὐγὴν καὶ καταφάνειαν ἐν βυθῷ παρέχει, διαστελλομένων τῷ ἀέρι τῶν ὑγρῶν·

οὐ γὰρ μόνον ἐπιπολῆσ τοῖσ διανυκτερεύουσιν ἀλλὰ καὶ κάτω τοῖσ σπογγοθήραισ διαφυσώμενον ἐκ τοῦ στόματοσ ἐν τῇ θαλάττῃ φέγγοσ ἐνδίδωσιν. οὐ μᾶλλον οὖν τῷ ἀέρι τοῦ μέλανοσ ἢ τῷ ὕδατι μέτεστιν, ἧττον.

δὲ τοῦ· ψυχροῦ. τὸ γοῦν ἔλαιον , ἀέροσ πλείστου τῶν ὑγρῶν μετέχον, ἣκιστα ψυχρόν ἐστι καὶ πήγνυται μαλακῶσ· ὁ γὰρ ἀὴρ ἐγκεκραμένοσ οὐκ ἐᾷ σκληρὰν γενέσθαι τὴν πῆξιν βελόνασ δὲ καὶ πόρπασ σιδηρᾶσ καὶ τὰ λεπτὰ τῶν ἔργων οὐχ ὕδατι βάπτουσιν ἀλλ’ ἐλαίῳ, τὴν ἄγαν ψυχρότητα φοβούμενοι τοῦ ·

ὕδατοσ ὡσ διαστρέφουσαν. ἐστιν ἐξετάζεσθαι τὸν λόγον οὐκ ἀπὸ τῶν χρωμάτων ἐπεὶ καὶ χιὼν καὶ χάλαζα καὶ κρύσταλλοσ ἅμα λαμπρότατα γίγνεται καὶ ψυχρότατα καὶ πάλιν πίττα θερμότερόν ἐστι μέλιτοσ καὶ σκοτωδέστερον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, De primo frigido, chapter, section 13

(플루타르코스, De primo frigido, chapter, section 13)

상위

목록

SEARCH

MENU NAVIGATION