헬라어 문장 검색 - Πλυταρ́Δελιβερ́04́

(플루타르코스, De liberis educandis, section 4)

καθόλου μὲν εἰπεῖν, ὃ κατὰ τῶν τεχνῶν καὶ τῶν ἐπιστημῶν λέγειν εἰώθαμεν, ταὐτὸ καὶ κατὰ τῆσ ἀρετῆσ φατέον ἐστίν, ὡσ εἰσ τὴν παντελῆ δικαιοπραγίαν τρία δεῖ συνδραμεῖν, φύσιν καὶ λόγον καὶ ἔθοσ. καλῶ δὲ λόγον μὲν τὴν μάθησιν, ἔθοσ δὲ τὴν ἄσκησιν. εἰσὶ δ’ αἱ μὲν ἀρχαὶ τῆσ φύσεωσ, αἱ δὲ προκοπαὶ τῆσ μαθήσεωσ, αἱ δὲ χρήσεισ τῆσ μελέτησ, αἱ δ’ ἀκρότητεσ πάντων. καθ’ ὃ δ’ ἂν λειφθῇ τούτων, κατὰ τοῦτ’ ἀνάγκη χωλὴν γίγνεσθαι τὴν ἀρετήν.

ἀτελέσ.

ὥσπερ δ’ ἐπὶ τῆσ γεωργίασ πρῶτον μὲν ἀγαθὴν ὑπάρξαι δεῖ τὴν γῆν, εἶτα δὲ τὸν φυτουργὸν ἐπιστήμονα, εἶτα τὰ σπέρματα σπουδαῖα, τὸν αὐτὸν τρόπον γῇ μὲν ἐοίκεν ἡ φύσισ, γεωργῷ δ’ ὁ παιδεύων, σπέρματι δ’ αἱ τῶν λόγων ὑποθῆκαι καὶ τὰ παραγγέλματα. ταῦτα πάντα διατεινάμενοσ ἂν εἴποιμ’ ὅτι συνῆλθε καὶ συνέπνευσεν εἰσ τὰσ τῶν παρ’ ἅπασιν ᾀδομένων ψυχάσ, Πυθαγόρου καὶ Σωκράτουσ καὶ Πλάτωνοσ καί τῶν ὅσοι δόξησ ἀειμνήστου τετυχήκασιν.

εὔδαιμον μέν οὖν καὶ θεοφιλέσ εἴ τῳ ταῦτα πάντα θεῶν τισ ἀπέδωκεν. εἰ δέ τισ οἰέται τοὺσ οὐκ εὖ πεφυκότασ μαθήσεωσ καὶ μελέτησ τυχόντασ ὀρθῆσ πρὸσ ἀρετὴν οὐκ ἂν τὴν τῆσ φύσεωσ ἐλάττωσιν εἰσ τοὐνδεχόμενον ἀναδραμεῖν, ἴστω πολλοῦ, μᾶλλον δὲ τοῦ παντὸσ διαμαρτάνων.

φύσεωσ μὲν γὰρ ἀρετὴν διαφθείρει ῥᾳθυμία, φαυλότητα δ’ ἐπανορθοῖ διδαχή· καὶ τὰ μὲν ῥᾴδια τοὺσ ἀμελοῦντασ φεύγει, τὰ δὲ χαλεπὰ ταῖσ ἐπιμελείαισ ἁλίσκεται.

καταμάθοισ δ’ ἂν ὡσ ἀνύσιμον πρᾶγμα καὶ τελεσιουργὸν ἐπιμέλεια καὶ πόνοσ ἐστίν, ἐπὶ πολλὰ τῶν γιγνομένων ἐπιβλέψασ.

σταγόνεσ μὲν γὰρ ὕδατοσ πέτρασ κοιλαίνουσι, σίδηροσ δὲ καὶ χαλκὸσ ταῖσ ἐπαφαῖσ τῶν χειρῶν ἐκτρίβονται, οἱ δ’ ἁρμάτειοι τροχοὶ πόνῳ καμφθέντεσ οὐδ’ ἂν εἴ τι γένοιτο τὴν ἐξ ἀρχῆσ δύναιντ’ ἀναλαβεῖν εὐθυωρίαν· τάσ γε μὴν καμπύλασ τῶν ὑποκριτῶν βακτηρίασ ἀπευθύνειν ἀμήχανον, ἀλλὰ τὸ παρὰ φύσιν τῷ πόνῳ τοῦ κατὰ φύσιν ἐγένετο κρεῖττον.

καὶ μόνα ἆρα ταῦτα τὴν τῆσ ἐπιμελείασ ἰσχὺν διαδείκνυσιν;

οὔκ, ἀλλὰ καὶ μυρί’ ἐπὶ μυρίοισ. ἀγαθὴ γῆ πέφυκεν·

ἀλλ’ ἀμεληθεῖσα χερσεύεται, καὶ ὅσῳ τῇ φύσει βελτίων ἐστί, τοσούτῳ μᾶλλον ἐξαργηθεῖσα δι’ ἀμέλειαν ἐξαπόλλυται. ἀλλ’ ἔστι τισ ἀπόκροτοσ καὶ τραχυτέρα τοῦ δέοντοσ· ἀλλὰ γεωργηθεῖσα παραυτίκα γενναίουσ καρποὺσ ἐξήνεγκε.

ποῖα δὲ δένδρα οὐκ ὀλιγωρηθέντα μὲν στρεβλὰ φύεται καὶ ἄκαρπα καθίσταται, τυχόντα δ’ ὀρθῆσ παιδαγωγίασ ἔγκαρπα γίγνεται καὶ τελεσφόρα; ποία δὲ σώματοσ ἰσχὺσ οὐκ ἐξαμβλοῦται καὶ καταφθίνει δι’ ἀμέλειαν καὶ τρυφὴν καὶ καχεξίαν; τίσ δ’ ἀσθενὴσ φύσισ οὐ τοῖσ γυμνασαμένοισ καὶ καταθλήσασι πλεῖστον εἰσ ἰσχὺν ἐπέδωκε;

τίνεσ δ’ ἵπποι καλῶσ πωλοδαμνηθέντεσ δ’ ἀδάμαστοι μείναντεσ οὐ σκληραύχενεσ καὶ οὐκ εὐπειθεῖσ ἐγένοντο τοῖσ ἀναβάταισ;

θυμοειδεῖσ ἀπέβησαν;

καὶ τί δεῖ τἄλλα θαυμάζειν, ὅπου γε τῶν θηρίων τῶν ἀγριωτάτων ὁρῶμεν πολλὰ καὶ τιθασευόμενα καὶ χειροήθη γιγνόμενα τοῖσ πόνοισ; καὶ τί δεῖ τὰ πολλὰ λέγειν; καὶ γὰρ τὸ ἦθοσ ἔθοσ ἐστὶ πολυχρόνιον, καὶ τὰσ ἠθικὰσ ἀρετὰσ ἐθικὰσ ἄν τισ λέγῃ, οὐκ ἄν τι πλημμελεῖν δόξειεν. ἑνὶ δὲ περὶ τούτων ἔτι παραδείγματι χρησάμενοσ ἀπαλλάξομαι τοῦ ἔτι περὶ αὐτῶν μηκύνειν.

Λυκοῦργοσ γὰρ ὁ τῶν Λακεδαιμονίων νομοθέτησ δύο σκύλακασ τῶν αὐτῶν γονέων λαβὼν οὐδὲν ὁμοίωσ ἀλλήλοισ ἤγαγεν, ἀλλὰ τὸν μὲν λίχνον ἀπέφηνε καὶ σινάμωρον, τὸν δ’ ἐξιχνεύειν καὶ θηρᾶν δυνατόν. "Λακεδαιμόνιοι καὶ ἔθη καὶ παιδεῖαι καὶ διδασκαλίαι καὶ βίων ἀγωγαί, καὶ ἐγὼ ταῦθ’ ὑμῖν αὐτίκα δὴ μάλα ποιήσω φανερά" εἶτα προσαγαγὼν τοὺσ δύο σκύλακασ διαφῆκε, καταθεὶσ εἰσ μέσον λοπάδα καὶ λαγωὸν κατευθὺ τῶν σκυλάκων.

καὶ ὁ μὲν ἐπὶ τὸν λαγωὸν ᾖξεν, ὁ δ’ ἐπὶ τὴν λοπάδα ὡρ́μησε.

καὶ περὶ μὲν ἐθῶν καὶ βίων ἀρκείτω ταῦτα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, De liberis educandis, section 4

(플루타르코스, De liberis educandis, section 4)

상위

목록

SEARCH

MENU NAVIGATION