Plutarch, De capienda ex inimicis utilitate, chapter, section 8 4:

ἡ δὲ σιγὴ πανταχοῦ μὲν ἀνυπεύθυνον οὐ μόνον ἄδιψον, ὥσ φησιν Ἱπποκράτησ, ἐν δὲ λοιδορίαισ σεμνὸν καὶ Σωκρατικόν, μᾶλλον δ’ Ἡράκλειον , εἴ γε κἀκεῖνοσ οὐδ’ ὅσσον μυίασ στυγερῶν ἐμπάζετο μύθων οὔτι μὴν τούτου σεμνότερον καὶ κάλλιόν ἐστι, τοῦ λοιδοροῦντοσ ἐχθροῦ τὴν ἡσυχίαν ἄγειν λισσάδα πέτραν φιλοκέρτομον ὣσ παρανηχομένουσ, οὐδ’ ἄλλη μείζων ἄσκησισ. ἂν γὰρ ἐχθρὸν ἐθισθῇσ λοιδοροῦντα φέρειν σιωπῇ, πάνυ ῥᾳδίωσ οἴσεισ γυναικὸσ ὀργὴν κακῶσ λεγούσησ, καὶ φίλου φωνὰσ καὶ ἀδελφοῦ πικροτάτασ ἀκούων ὑπομενεῖσ ἀθορύβωσ·