헬라어 문장 검색 - Πλυταρ́Δεξαπιέ1́03́

(플루타르코스, De capienda ex inimicis utilitate, chapter, section 3)

πρῶτον μὲν οὖν δοκεῖ μοι τῆσ ἔχθρασ τὸ βλαβερώτατον ὠφελιμώτατον ἂν γενέσθαι τοῖσ προσέχουσιν. τί δὲ τοῦτ’ ἐστίν;

μόνον ὁρῶν ὡσ ὁ Λυγκεὺσ οὐδὲ διὰ λίθων καὶ ὀστράκων, ἀλλὰ καὶ διὰ φίλου καὶ οἰκέτου καὶ διὰ συνήθουσ παντὸσ ὡσ ἀνυστόν ἐστι φωρῶν τὰ πραττόμενα καὶ τὰ βουλευόμενα διορύττων καὶ διερευνώμενοσ.

οἱ μὲν γὰρ φίλοι καὶ νοσοῦντεσ ἡμᾶσ πολλάκισ καὶ ἀποθνῄσκοντεσ λανθάνουσιν ἀμελοῦντασ καὶ ὀλιγωροῦντασ, τῶν δ’ ἐχθρῶν μονονουχὶ καὶ τοὺσ ὀνείρουσ πολυπραγμονοῦμεν·

νόσοι δὲ καὶ δανεισμοὶ καὶ διαφοραὶ πρὸσ γυναῖκασ αὐτοὺσ ἐκείνουσ μᾶλλον ἢ τὸν ἐχθρὸν λανθάνουσι. μάλιστα δὲ τῶν ἁμαρτιῶν ἔχεται καὶ ταύτασ ἐξιχνεύει.

καθάπερ οἱ γῦπεσ ἐπὶ τὰσ ὀσμὰσ τῶν διεφθορότων σωμάτων φέρονται, τῶν δὲ καθαρῶν καὶ ὑγιαινόντων αἴσθησιν οὐκ ἔχουσιν, οὕτω τὰ νοσοῦντα τοῦ βίου καὶ φαῦλα καὶ πεπονθότα κινεῖ τὸν ἐχθρόν, καὶ πρὸσ ταῦθ’ οἱ μισοῦντεσ ᾄττουσι καὶ τούτων ἅπτονται καὶ σπαράττουσι.

τοῦτ’ οὖν ὠφέλιμόν ἐστι;

πάνυ μὲν οὖν, εὐλαβούμενον ζῆν καὶ προσέχειν ἑαυτῷ καὶ μήτε πράττειν μηδὲν ὀλιγώρωσ καὶ ἀπερισκέπτωσ μήτε λέγειν, ἀλλ’ ἀεὶ διαφυλάττειν ὥσπερ ἐν ἀκριβεῖ διαίτῃ τὸν βίον ἀνεπίληπτον· ἡ γὰρ οὕτω συστέλλουσα τὰ πάθη καὶ συνέχουσα τὸν λογισμὸν εὐλάβεια μελέτην ἐμποιεῖ καὶ προαίρεσιν τοῦ ζῆν ἐπιεικῶσ καὶ ἀνεγκλήτωσ.

πολέμοισ ἀστυγειτονικοῖσ καὶ στρατείαισ ἐνδελεχέσι σωφρονιζόμεναι πόλεισ εὐνομίαν καὶ πολιτείαν ὑγιαίνουσαν ἠγάπησαν, οὕτωσ οἱ δι’ ἔχθρασ τινὰσ ἀναγκασθέντεσ ἐπινήφειν τῷ βίῳ καὶ φυλάττεσθαι τὸ ῥᾳθυμεῖν καὶ καταφρονεῖν καὶ μετ’ εὐχρηστίασ ἕκαστα πράττειν λανθάνουσιν εἰσ τὸ ἀναμάρτητον ὑπὸ τῆσ συνηθείασ ἀγόμενοι καὶ κατακοσμούμενοι τὸν τρόπον, ἂν καὶ μικρὸν ὁ λόγοσ συνεπιλαμβάνηται.

τὸ γάρ ἦ κεν γηθήσαι Πρίαμοσ Πριάμοιό τε παῖδεσ οἷσ ἐστιν ἀεὶ πρόχειρον, ἐπιστρέφει καὶ διατρέπει καὶ ἀφίστησι τῶν τοιούτων ἐφ’ οἷσ οἱ ἐχθροὶ χαίρουσι καὶ καταγελῶσι.

καὶ μὴν τοὺσ περὶ τὸν Διόνυσον τεχνίτασ ὁρῶμεν ἐκλελυμένουσ καὶ ἀπροθύμουσ καὶ οὐκ ἀκριβῶσ πολλάκισ ἀγωνιζομένουσ ἐν τοῖσ θεάτροισ ἐφ’ ἑαυτῶν·

ὅταν δ’ ἅμιλλα καὶ ἀγὼν γένηται πρὸσ ἑτέρουσ, οὐ μόνον αὑτοὺσ ἀλλὰ καὶ τὰ ὄργανα μᾶλλον συνεπιστρέφουσι, χορδολογοῦντεσ καὶ ἀκριβέστερον ἁρμοζόμενοι καὶ καταυλοῦντεσ.

ὅστισ οὖν οἶδεν ἀνταγωνιστὴν βίου καὶ δόξησ τὸν ἐχθρὸν ὄντα, προσέχει μᾶλλον αὑτῷ, καὶ τὰ πράγματα περισκοπεῖ καὶ διαρμόζεται τὸν βίον.

ἐπεὶ καὶ τοῦτο τῆσ κακίασ ἴδιόν ἐστι, τὸ τοὺσ ἐχθροὺσ αἰσχύνεσθαι μᾶλλον ἢ τοὺσ φίλουσ ἐφ’ οἷσ ἐξαμαρτάνομεν.

"·

"ἐπισφαλῶσ ἔχομεν, μήθ’ οὓσ φοβηθῶμεν μήθ’ οὓσ αἰσχυνθῶμεν ἑαυτοῖσ ἀπολελοιπότεσ" ἔτι τοίνυν πρόσλαβε τὴν Διογένουσ ἀπόφασιν, φιλόσοφον σφόδρα καὶ πολιτικὴν οὖσαν·

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, De capienda ex inimicis utilitate, chapter, section 3

(플루타르코스, De capienda ex inimicis utilitate, chapter, section 3)

상위

목록

SEARCH

MENU NAVIGATION