Plutarch, Compendium libri de animae procreatione in Timaeo, section 5 1:

χώραν τε γὰρ καλεῖ τὴν ὕλην ὥσπερ ἕδραν ἔστιν ὅτε καὶ ὑποδοχήν, ὂν δὲ τὸ νοητόν, γένεσιν δὲ τοῦ κόσμου μήπω γεγονότοσ οὐδεμίαν ἄλλην ἢ τὴν ἐν μεταβολαῖσ καὶ κινήσεσιν οὐσίαν, τοῦ τυποῦντοσ καὶ τοῦ τυπουμένου μεταξὺ τεταγμένην, διαδιδοῦσαν ἐνταῦθα τὰσ ἐκεῖθεν εἰκόνασ. διά τε δὴ ταῦτα μεριστὴ προσηγορεύθη καὶ ὅτι τῷ αἰσθητῷ τὸ αἰσθανόμενον καὶ τῷ φανταστῷ τὸ φανταζόμενον ἀνάγκη συνδιανέμεσθαι καὶ συμπαρήκειν ἡ γὰρ αἰσθητικὴ κίνησισ ἰδία ψυχῆσ οὖσα κινεῖται πρὸσ τὸ αἰσθητὸν ἐκτόσ·