헬라어 문장 검색 - Πλυταρ́Ξομπαρι

(플루타르코스, Comparison of Lysander and Sulla, chapter 4)

πολέμων δὲ ἀγῶσι καὶ στρατηγικαῖσ πράξεσι καὶ πλήθει τροπαίων καὶ μεγέθει κινδύνων ἀσύγκριτοσ ὁ Σύλλασ. ὁ μέντοι γε δύο νίκασ ἐξηνέγκατο ναυμαχίαισ δυσί· προσθήσω δὲ αὐτῷ τὴν Ἀθηνῶν πολιορκίαν, ἔργῳ μὲν οὐ μεγάλην, τῇ δὲ δόξῃ λαμπροτάτην γενομένην. τὰ δ’ ἐν Βοιωτίᾳ καὶ Ἁλιάρτῳ δυστυχίᾳ μὲν ἴσωσ ἐπράχθη τινί, κακοβουλίᾳ δὲ προσέοικεν οὐκ ἀναμείναντοσ ὅσον οὔπω παροῦσαν ἐκ Πλαταιῶν τὴν μεγάλην τοῦ βασιλέωσ δύναμιν, ἀλλὰ θυμῷ καὶ φιλοτιμίᾳ παρὰ καιρὸν ὠσαμένου πρὸσ τὸ τεῖχοσ, ὥστε τοὺσ τυχόντασ ἀνθρώπουσ ἐκπηδήσαντασ ἐν οὐδενὶ λόγῳ καταβαλεῖν αὐτόν, οὐ γὰρ ὡσ Κλεόμβροτοσ ἐν Λεύκτροισ ἀντερείδων ἐπικειμένοισ τοῖσ πολεμίοισ, οὐδὲ ὡσ Κῦροσ οὐδὲ ὡσ Ἐπαμεινώνδασ κατέχων ἐγκεκλικότασ καὶ τὸ νίκημα βεβαιούμενοσ πληγῇ καιρίᾳ περιέπεσεν·

ἀλλ’ οὗτοι μὲν βασιλέων καὶ στρατηγῶν θάνατον ἀπέθνησκον, Λύσανδροσ δὲ πελταστοῦ καὶ προδρόμου δίκην ἀκλεῶσ παραναλώσασ ἑαυτόν, ἐμαρτύρησε τοῖσ παλαιοῖσ Σπαρτιάταισ ὅτι καλῶσ ἐφυλάττοντο τὰσ τειχομαχίασ, ἐν αἷσ οὐχ ὑπ’ ἀνδρὸσ μόνον τοῦ τυχόντοσ, ἀλλὰ καὶ ὑπὸ παιδὸσ καὶ γυναικὸσ ἀποθανεῖν ἂν συντύχοι πληγέντα τὸν κράτιστον, ὥσπερ τὸν Ἀχιλλέα φασὶν ὑπὸ τοῦ Πάριδοσ ἐν ταῖσ πύλαισ ἀναιρεθῆναι.

Σύλλασ μὲν οὖν ὅσασ ἐκ παρατάξεωσ ἐνίκησε νίκασ καὶ κατέβαλε μυριάδασ πολεμίων οὐδὲ ἀριθμῆσαι ῥᾴδιόν ἐστιν αὐτὴν δὲ τὴν Ῥώμην δὶσ εἷλε, καὶ τὸν Πειραιᾶ τῶν Ἀθηνῶν οὐ λιμῷ καθάπερ Λύσανδροσ, ἀλλὰ πολλοῖσ ἀγῶσι καὶ μεγάλοισ, ἐκβαλὼν Ἀρχέλαον ἐκ τῆσ γῆσ ἐπὶ τὴν θάλατταν, κατέσχεν.

ἔστι δὲ μέγα καὶ τὸ τῶν ἀντιστρατήγων, τρυφὴν γὰρ οἶμαι καὶ παιδιὰν πρὸσ Ἀντίοχον διαναυμαχεῖν τὸν Ἀλκιβιάδου κυβερνήτην, καὶ Φιλοκλέα τὸν Ἀθηναίων ἐξαπατᾶν δημαγωγόν, ἄδοξον, ἄκραν γλῶσσαν ἠκονημένον οὓσ οὐκ ἂν ἱπποκόμῳ Μιθριδάτησ οὐδὲ ῥαβδούχῳ Μάριοσ ἠξίωσε παραβαλεῖν τῶν ἑαυτοῦ, τῶν δὲ πρὸσ Σύλλαν ἀνταραμένων δυναστῶν, ὑπάτων, στρατηγῶν, δημαγωγῶν, ἵνα τοὺσ ἄλλουσ ἐάσω, τίσ ἦν Ῥωμαίων Μαρίου φοβερώτεροσ ἢ Μιθριδάτου βασιλέων δυνατώτεροσ ἢ Λαμπωνίου καὶ Τελεσίνου τῶν Ἰταλικῶν μαχιμώτεροσ; ὧν ἐκεῖνοσ τὸν μὲν ἐξέβαλε, τὸν δὲ ὑπέταξε, τοὺσ δὲ ἀπέκτεινε.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Comparison of Lysander and Sulla, chapter 4

(플루타르코스, Comparison of Lysander and Sulla, chapter 4)

상위

목록

SEARCH

MENU NAVIGATION