Plutarch, Comparison of Lysander and Sulla, chapter 3 2:

ὁ δὲ οὔτε νέοσ ὢν περὶ τὰσ ἐπιθυμίασ ἐμετρίαζε διὰ τὴν πενίαν οὔτε γηράσασ διὰ τὴν ἡλικίαν, ἀλλὰ τοὺσ περὶ γάμων καὶ σωφροσύνησ εἰσηγεῖτο νόμουσ τοῖσ πολίταισ αὐτὸσ ἐρῶν καὶ μοιχεύων, ὥσ φησι Σαλούστιοσ. ὅθεν οὕτω τὴν πόλιν πτωχὴν καὶ κενὴν ἐποίησε χρημάτων ὥστε ταῖσ συμμαχίσι καὶ φίλαισ πόλεσιν ἀργυρίου πωλεῖν τὴν ἐλευθερίαν καὶ τὴν αὐτονομίαν, καίτοι τοὺσ πολυαργυρωτάτουσ οἴκουσ καὶ μεγίστουσ ὁσημέραι δημεύοντοσ αὑτοῦ καὶ ἀποκηρύττοντοσ.