헬라어 문장 검색 - Πλυταρ́Ξομπαρι

(플루타르코스, Comparison of Lucullus and Cimon, chapter 1)

μάλιστα δ’ ἄν τισ εὐδαιμονίσειε τοῦ τέλουσ Λεύκουλλον, ὅτι πρὸ τῆσ μεταβολῆσ, ἣν ἤδη κατὰ τῆσ πολιτείασ ἐτεκταίνετο τοῖσ ἐμφυλίοισ πολέμοισ τὸ πεπρωμένον, ἔφθη προαποθανὼν καὶ καταλύσασ ἐν νοσούσῃ μέν, ἔτι δ’ ἐλευθέρᾳ τῇ πατρίδι τὸν βίον. καὶ τοῦτό γε πάντων αὐτῷ πρὸσ Κίμωνα κοινότατόν ἐστι. καὶ γὰρ ἐκεῖνοσ οὔπω συντεταραγμένων τῶν Ἑλληνικῶν, ἀλλ’ ἀκμὴν ἐχόντων ἐτελεύτησεν, ἐπὶ στρατοπέδου μέντοι καὶ στρατηγῶν, οὐκ ἀπειρηκὼσ οὐδ’ ἀλύων, οὐδέ τῶν ὅπλων καὶ τῶν στρατηγιῶν καὶ τῶν τροπαίων ἔπαθλον ποιούμενοσ εὐωχίασ καὶ πότουσ, ὥσπερ Πλάτων ἐπισκώπτει τοὺσ περὶ τὸν Ὀρφέα, τοῖσ εὖ βεβιωκόσι φάσκοντασ ἀποκεῖσθαι γέρασ ἐν ̣

δου μέθην αἰώνιον. σχολὴ μὲν οὖν καὶ ἡσυχία καὶ διατριβὴ περὶ λόγουσ ἡδονήν τινα καὶ θεωρίαν ἔχοντασ εὐπρεπέστατον ἀνδρὶ πρεσβύτῃ καὶ πεπαυμένῳ πολέμων καὶ πολιτείασ παραμύθιον τὸ δ’ ἐφ’ ἡδονὴν, ὡσ τέλοσ, καταστρέψαντα τὰσ καλὰσ πράξεισ ἤδη λοιπὸν Ἀφροδίσια τῶν πολέμων καὶ στρατηγιῶν ἄγοντα παίζειν καὶ τρυφᾶν οὐκ ἄξια τῆσ καλῆσ Ἀκαδημείασ, οὐδέ τὸν Ξενοκράτη ζηλοῦντοσ, ἀλλ’ ἐγκεκλικότοσ πρὸσ τὸν Ἐπίκουρον.

ὃ καὶ θαυμαστόν ἐστιν ὑπεναντίωσ γὰρ ἡ νεότησ τοῦ μὲν ἐπίψογοσ καὶ ἀκόλαστοσ γεγονέναι δοκεῖ, τοῦ δὲ πεπαιδευμένη καὶ σώφρων, βελτίων οὖν ᾧ πρὸσ τὸ βέλτιον ἡ μεταβολή·

χρηστοτέρα γὰρ ἡ φύσισ, ἐν ᾗ γηρᾷ μὲν τὸ χεῖρον, ἐπακμάζει δὲ τὸ ἄμεινον. καὶ μὴν ὁμοίωσ γε πλουτήσαντεσ οὐχ ὁμοίωσ διέθεντο τὸν πλοῦτον. οὐ γὰρ ἄξιον ὁμοιῶσαι τῷ νοτίῳ τείχει τῆσ ἀκροπόλεωσ, ὃ τοῖσ ὑπὸ Κίμωνοσ κομισθεῖσιν ἐτελέσθη χρήμασι, τοὺσ ἐν Νέᾳ πόλει θαλάμουσ καὶ τὰσ περικλύστουσ ἀπόψεισ, ἃσ Λούκουλλοσ ἀπὸ τῶν βαρβαρικῶν ἐξῳκοδόμει λαφύρων οὐδέ γε τῇ Κίμωνοσ τραπέζῃ τὴν Λουκούλλου παραβαλεῖν, τῇ δημοκρατικῇ καὶ φιλανθρώπῳ τὴν πολυτελῆ καὶ σατραπικήν.

ἡ μὲν γὰρ ἀπὸ μικρᾶσ δαπάνησ πολλοὺσ καθ’ ἡμέραν διέτρεφεν, ἡ δ’ εἰσ ὀλίγουσ τρυφῶντασ ἀπὸ πολλῶν παρεσκευάζετο χρημάτων, εἰ μὴ νὴ Δία τῶν πραγμάτων ἐποίει διαφορὰν ὁ χρόνοσ·

ἄδηλον γὰρ, εἰ καὶ Κίμων ἀπὸ τῶν πράξεων καὶ στρατηγιῶν εἰσ ἀπόλεμον καὶ ἀπολίτευτον γῆρασ ἀφεὶσ αὑτόν ἔτι μᾶλλον ἂν ἐχρήσατο σοβαρᾷ καὶ πρὸσ ἡδονὴν ἀνειμένῃ διαίτῃ· καὶ γὰρ φιλοπότησ καὶ πανηγυρικὸσ καὶ τὰ πρὸσ γυναῖκασ, ὡσ προείρηται, διαβεβλημένοσ. αἱ δὲ περὶ τὰσ πράξεισ καὶ τοὺσ ἀγῶνασ κατορθώσεισ ἡδονὰσ ἑτέρασ ἔχουσαι τῶν χειρόνων ἐπιθυμιῶν ἀσχολίαν ποιοῦσι καὶ λήθην ταῖσ πολιτικαῖσ καὶ φιλοτίμοισ φύσεσιν.

εἰ γοῦν καὶ Λούκουλλοσ ἐτελεύτησεν ἀγωνιζόμενοσ καὶ στρατηγῶν, οὐδ’ ἂν ὁ ψογερώτατοσ καὶ φιλομεμφότατοσ εὑρεῖν μοι δοκεῖ διαβολὴν ἐπ’ αὐτόν, καὶ ταῦτα μὲν περὶ τῆσ διαίτησ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Comparison of Lucullus and Cimon, chapter 1

(플루타르코스, Comparison of Lucullus and Cimon, chapter 1)

상위

목록

SEARCH

MENU NAVIGATION