헬라어 문장 검색 - Πλυταρ́Ξομπαρι

(플루타르코스, Comparison of Alcibiades and Coriolanus, chapter 4)

καὶ γάρ τοι Μάρκιοσ μὲν οὐδὲν ἀπεδείξατο τῇ πόλει στρατηγῶν, ἀλλά τοῖσ πολεμίοισ κατὰ τῆσ πατρίδοσ· Ἀλκιβιάδου δὲ καὶ στρατευομένου πολλάκισ καὶ στρατηγοῦντοσ ἀπέλαυσαν οἱ Ἀθηναῖοι καὶ παρὼν ἐκράτει τῶν ἐχθρῶν ὅσον ἐβούλετο, καὶ μὴ παρόντοσ ἴσχυσαν αἱ διαβολαί· Μάρκιοσ δὲ παρὼν ὑπὸ Ῥωμαίων κατεδικάσθη, παρόντα δὲ Οὐολοῦσκοι διέφθειραν, οὐ δικαίωσ μὲν οὐδ’ ὁσίωσ, αἰτίαν δὲ τοῦ εὐλόγου παρέσχεν αὐτόσ, ὅτι δημοσίᾳ τὰσ διαλύσεισ μὴ προσδεξάμενοσ, ἰδίᾳ δὲ πεισθεὶσ ὑπὸ τῶν γυναικῶν οὐκ ἔλυσε τὴν ἔχθραν, ἀλλὰ τοῦ πολέμου μένοντοσ ἀπώλεσε τὸν καιρὸν καὶ διέφθειρε, πείσαντα γὰρ ἔδει τοὺσ πεπιστευκότασ ἀπελθεῖν, εἰ τοῦ πρὸσ ἐκείνουσ δικαίου πλεῖστον ἐποιεῖτο λόγον.

εἰ δὲ μηδὲν ἐφρόντιζεν Οὐολούσκων, ἀλλὰ τὴν ὀργὴν ἐμπλῆσαι τὴν ἑαυτοῦ βουλόμενοσ ἐνῆγε τὸν πόλεμον, εἶτ’ ἔληξεν, οὐ διὰ τὴν μητέρα καλῶσ εἶχε φείσασθαι τῆσ πατρίδοσ, ἀλλὰ σὺν τῇ πατρίδι τῆσ μητρόσ·

μέροσ γὰρ ἦν καὶ ἡ μήτηρ καὶ ἡ γυνὴ τῆσ πατρίδοσ ἦν ἐπολιόρκει. τὸ δὲ δημοσίαισ ἱκεσίαισ καὶ δεήσει πρέσβεων καὶ λιταῖσ ἱερέων ἀπηνῶσ χρησάμενον εἶτα χαρίσασθαι τῇ μητρὶ τὴν ἀναχώρησιν, οὐ τῆσ μητρὸσ ἦν τιμὴ, ἀλλ’ ἀτιμία τῆσ πατρίδοσ, οἴκτῳ καὶ παραιτήσει διὰ μίαν γυναῖκα σῳζομένησ, ὡσ οὐκ ἀξίασ σῴζεσθαι δι’ αὑτήν, ἐπίφθονοσ γὰρ ἡ χάρισ καὶ ὠμὴ καὶ ἀχάριστοσ ἀληθῶσ καὶ πρὸσ οὐδετέρουσ ἔχουσα τὸ εὔγνωμον·

ἀνεχώρησε γὰρ μήτε πεισθεὶσ ὑπὸ τῶν πολεμουμένων μήτε πείσασ τοὺσ συμπολεμοῦντασ. ὧν αἴτιον ἁπάντων τὸ ἀνομίλητον τοῦ τρόπου καὶ λίαν ὑπερήφανον καὶ αὔθαδεσ, ὃ καθ’ αὑτὸ μὲν ἐπαχθέσ ἐστι τοῖσ πολλοῖσ, τῷ δὲ φιλοτίμῳ προσὸν γίνεται παντάπασιν ἄγριον καὶ ἀπαραίτητον.

οὐ γὰρ θεραπεύουσι τοὺσ πολλοὺσ ὡσ μὴ δεόμενοι τιμῆσ, εἶτα χαλεπαίνουσι μὴ τυγχάνοντεσ. ἐπεὶ τό γε μὴ λιπαρῆ μηδὲ θεραπευτικὸν ὄχλων εἶναι καὶ Μέτελλοσ εἶχε καὶ Ἀριστείδησ καὶ Ἐπαμεινώνδασ· ἀλλὰ τῷ καταφρονεῖν ἀληθῶσ ὧν δῆμόσ ἐστι καὶ δοῦναι καὶ ἀφελέσθαι κύριοσ, ἐξοστρακιζόμενοι καὶ ἀποχειροτονούμενοι καὶ καταδικαζόμενοι πολλάκισ οὐκ ὠργίζοντο τοῖσ πολίταισ ἀγνωμονοῦσιν, ἀλλ’ ἠγάπων αὖθισ μεταμελομένουσ καὶ διηλλάττοντο παρακαλούντων.

τὸν γὰρ ἥκιστα θεραπευτικὸν ἥκιστα πρέπει τιμωρητικὸν εἶναι τῶν πολλῶν, ὡσ τὸ χαλεπαίνειν μάλιστα μὴ τυγχάνοντα τῆσ τιμῆσ ἐκ τοῦ σφόδρα γλίχεσθαι φυόμενον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Comparison of Alcibiades and Coriolanus, chapter 4

(플루타르코스, Comparison of Alcibiades and Coriolanus, chapter 4)

상위

목록

SEARCH

MENU NAVIGATION