헬라어 문장 검색 - Πλυταρ́Ξομπαρι

(플루타르코스, Comparison of Sertorius and Eumenes, chapter 2)

τὰ μὲν οὖν κατὰ τὴν στρατηγίαν ἐφάμιλλα καὶ παράλληλα· τῷ δὲ ἄλλῳ τρόπῳ φιλοπόλεμοσ μὲν ὁ Εὐμενὴσ καὶ φιλόνεικοσ, ἡσυχίασ δὲ καὶ πρᾳότητοσ οἰκεῖοσ ὁ Σερτώριοσ. ὁ μὲν γὰρ, ἀσφαλῶσ καὶ μετὰ τιμῆσ βιοῦν ἐξὸν ἐκποδὼν γενομένῳ τοῖσ πρώτοισ, μαχόμενοσ καὶ κινδυνεύων διετέλεσε, τῷ δὲ οὐδὲν δεομένῳ πραγμάτων ὑπὲρ αὐτῆσ τῆσ τοῦ σώματοσ ἀσφαλείασ πρὸσ οὐκ ἐῶντασ εἰρήνην ἄγειν ἦν ὁ πόλεμοσ. Εὐμενεῖ μὲν γὰρ Ἀντίγονοσ ἐκστάντι τῶν ὑπὲρ τοῦ πρωτεύειν ἀγώνων ἡδέωσ ἂν ἐχρῆτο τὴν μετ’ αὐτὸν ἀγαπῶντι τάξιν, Σερτωρίῳ δὲ οἱ περὶ Πομπήϊον οὐδὲ ζῆν ἀπραγμόνωσ ἐπέτρεπον.

διὸ τῷ μὲν ἑκοντὶ συνέβαινε πολεμεῖν ἐπ’ ἀρχῇ, τῷ δὲ ἀκουσίωσ ἄρχειν διὰ τὸ πολεμεῖσθαι. φιλοπόλεμοσ μὲν οὖν ὁ τῆσ ἀσφαλείασ τὴν πλεονεξίαν προτιμῶν, πολεμικὸσ δὲ ὁ τῷ πολέμῳ κτώμενοσ τὴν ἀσφάλειαν.

καὶ μὴν θανεῖν γε συνέβη τῷ μὲν οὐ προαισθομένῳ, τῷ δὲ καὶ προσδεχομένῳ τὴν τελευτήν, ὧν τὸ μὲν ἐπιεικείασ, φίλοισ γὰρ ἐδόκει πιστεύειν, τὸ δὲ ἀσθενείασ, βουλόμενοσ γὰρ φυγεῖν συνελήφθη. καὶ τοῦ μὲν οὐ κατῄσχυνε τὸν βίον ὁ θάνατοσ, πάσχοντοσ ὑπὸ τῶν συμμάχων ἃ τῶν πολεμίων αὐτὸν οὐδεὶσ ἐποίησεν ὁ δὲ φεύγειν μὲν πρὸ αἰχμαλωσίασ μὴ δυνηθείσ, ζῆν δὲ μετ’ αἰχμαλωσίαν βουληθείσ, οὔτε ἐφυλάξατο καλῶσ τὴν τελευτὴν οὔθ’ ὑπέμεινεν, ἀλλὰ προσλιπαρῶν καὶ δεόμενοσ τοῦ σώματοσ μόνου κρατεῖν δοκοῦντα τὸν πολέμιον καὶ τῆσ ψυχῆσ αὑτοῦ κύριον ἐποίησεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Comparison of Sertorius and Eumenes, chapter 2

(플루타르코스, Comparison of Sertorius and Eumenes, chapter 2)

상위

목록

SEARCH

MENU NAVIGATION