Plutarch, Comparison of Pericles and Fabius Maximus, chapter 1 4:

καίτοι δόξειεν ἂν οὐχ οὕτω χαλεπὸν εἶναι πόλιν ἐν συμφοραῖσ μεταχειρίσασθαι ταπεινὴν καὶ τοῦ φρονοῦντοσ ὑπ’ ἀνάγκησ κατήκοον γενομένην, ὡσ δι’ εὐτυχίαν ἐπηρμένῳ καὶ σπαργῶντι τῷ δήμῳ χαλινὸν ἐμβαλεῖν ὕβρεωσ καὶ θρασύτητοσ· ᾧ δὴ μάλιστα φαίνεται τρόπῳ Περικλῆσ Ἀθηναίων περιγενόμενοσ. ἀλλὰ τῶν Ῥωμαίοισ συμπεσόντων τότε κακῶν τὸ μέγεθοσ καὶ τὸ πλῆθοσ ἰσχυρόν τινα τὴν γνώμην καὶ μέγαν ἔδειξεν ἄνδρα τὸν μὴ συγχυθέντα μηδὲ προέμενον τοὺσ αὑτοῦ λογισμούσ.