헬라어 문장 검색 - Πλυταρ́Ξομπαρι

(플루타르코스, Comparison of Pelopidas and Marcellus, chapter 1)

ὅσα μὲν οὖν ἔδοξεν ἡμῖν ἀναγραφῆσ ἄξια τῶν ἱστορημένων περὶ Μαρκέλλου καὶ Πελοπίδου, ταὐτά ἔστι. τῶν δὲ κατὰ τὰσ φύσεισ καὶ τὰ ἤθη κοινοτήτων ὥσπερ ἐφαμίλλων οὐσῶν καὶ γὰρ ἀνδρεῖοι καὶ φιλόπονοι καὶ θυμοειδεῖσ καὶ μεγαλόφρονεσ ἀμφότεροι γεγόνασιν, ἐκεῖνο δόξειεν ἂν διαφορὰν ἔχειν μόνον, ὅτι Μάρκελλοσ μὲν ἐν πολλαῖσ πόλεσιν ὑποχειρίοισ γενομέναισ σφαγὰσ ἐποίησεν, Ἐπαμεινώνδασ δὲ καὶ Πελοπίδασ οὐδένα πώποτε κρατήσαντεσ ἀπέκτειναν οὐδὲ πόλεισ ἠνδραποδίσαντο. λέγονται δὲ Θηβαῖοι μηδὲ Ὀρχομενίουσ ἂν οὕτω μεταχειρίσασθαι παρόντων ἐκείνων· ἐν δὲ ταῖσ πράξεσι θαυμαστὰ μὲν καὶ μεγάλα τοῦ Μαρκέλλου τὰ πρὸσ Κελτούσ, ὠσαμένου τοσοῦτον πλῆθοσ ἱππέων ὁμοῦ καὶ πεζῶν ὀλίγοισ τοῖσ περὶ αὐτὸν ἱππεῦσιν, ὃ ῥᾳδίωσ ὑφ’ ἑτέρου στρατηγοῦ γεγονὸσ οὐχ ἱστόρηται, καὶ τὸν ἄρχοντα τῶν πολεμίων ἀνελόντοσ·

ἐν ᾧ τρόπῳ Πελοπίδασ ἔπταισεν ὁρμήσασ ἐπὶ ταὐτά, προαναιρεθεὶσ δὲ ὑπὸ τοῦ τυράννου καὶ παθὼν πρότερον ἢ δράσασ. οὐ μὴν ἀλλὰ τούτοισ μὲν ἔστι παραβαλεῖν τὰ Λεῦκτρα καὶ Τεγύρασ, ἐπιφανεστάτουσ καὶ μεγίστουσ ἀγώνων, κρυφαίαν δὲ σὺν λόχῳ κατωρθωμένην πρᾶξιν οὐκ ἔχομεν τοῦ Μαρκέλλου παραβαλεῖν οἷσ Πελοπίδασ περὶ τὴν ἐκ φυγῆσ κάθοδον καὶ ἀναίρεσιν τῶν ἐν Θήβαισ τυράννων ἔπραξεν, ἀλλ’ ἐκεῖνο πολὺ πάντων ἐοίκε πρωτεύειν τῶν ὑπὸ σκότῳ καὶ δι’ ἀπάτησ γεγενημένων τὸ ἔργον.

Ἀννίβασ φοβερὸσ μὲν καὶ δεινὸσ ἐνέκειτο Ῥωμαίοισ, ὥσπερ ἀμέλει Λακεδαιμόνιοι τότε Θηβαίοισ, ἐνδοῦναι δὲ τούτουσ μὲν Πελοπίδᾳ καὶ περὶ Τεγύρασ καὶ περὶ Λεῦκτρα βέβαιόν ἐστιν, Ἀννίβαν δὲ Μάρκελλοσ, ὡσ μὲν οἱ περὶ Πολύβιον λέγουσιν, οὐδὲ ἅπαξ ἐνίκησεν, ἀλλ’ ἀήττητοσ ὁ ἁνὴρ δοκεῖ διαγενέσθαι μέχρι Σκηπίωνοσ·

ἡμεῖσ δὲ Λιβίῳ, Καίσαρι καὶ Νέπωτι καὶ τῶν Ἑλληνικῶν τῷ βασιλεῖ Ιὄβᾳ πιστεύομεν, ἥττασ τινὰσ καὶ τροπὰσ ὑπὸ Μαρκέλλου τῶν σὺν Ἀννίβᾳ, γενέσθαι·

μεγάλην δὲ αὗται ῥοπὴν οὐδεμίαν ἐποίησαν, ἀλλ’ ἐοίκε ψευδόπτωμά τι γενέσθαι περὶ τὸν Λίβυν ἐν ταῖσ συμπλοκαῖσ ἐκείναισ. ὃ δὴ κατὰ λόγον καὶ προσηκόντωσ ἐθαυμάσθη, μετὰ τοσαύτασ τροπὰσ στρατοπέδων καὶ φόνουσ στρατηγῶν καὶ σύγχυσιν ὅλησ ὁμοῦ τῆσ Ῥωμαίων ἡγεμονίασ εἰσ ἀντίπαλα τῷ θαρρεῖν καθισταμένων·

ὁ γὰρ ἐκ πολλοῦ τοῦ πάλαι περιδεοῦσ καὶ καταπεπληγότοσ αὖθισ ἐμβαλὼν τῷ στρατεύματι ζῆλον καὶ φιλονεικίαν πρὸσ τοὺσ πολεμίουσ, καὶ τοῦτο δὴ τὸ μὴ ῥᾳδίωσ τῆσ νίκησ ὑφιέμενον, ἀλλὰ καὶ ἀμφισβητοῦν τε καὶ φιλοτιμούμενον ἐπάρασ καὶ θαρρύνασ, εἷσ ἀνὴρ ἦν, Μάρκελλοσ· εἰθισμένουσ γὰρ ὑπὸ τῶν συμφορῶν, εἰ φεύγοντεσ ἐκφύγοιεν Ἀννίβαν, ἀγαπᾶν, ἐδίδαξεν αἰσχύνεσθαι σῳζομένουσ μεθ’ ἥττησ, αἰδεῖσθαι δὲ παρὰ μικρὸν ἐνδόντασ, ἀλγεῖν δὲ μὴ κρατήσαντασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Comparison of Pelopidas and Marcellus, chapter 1

(플루타르코스, Comparison of Pelopidas and Marcellus, chapter 1)

상위

목록

SEARCH

MENU NAVIGATION