헬라어 문장 검색 - Πλυταρ́Ξομπαρι

(플루타르코스, Comparison of Nicias and Crassus, chapter 1)

ἐν δὲ τῇ συγκρίσει πρῶτον ὁ Νικίου πλοῦτοσ τῷ Κράσσου παραβαλλόμενοσ ἀμεμπτοτέραν ἔχει τὴν κτῆσιν. ἄλλωσ μὲν γὰρ οὐκ ἄν τισ δοκιμάσειε τὴν ἀπὸ μετάλλων ἐργασίαν, ἧσ τὰ πλεῖστα περαίνεται διὰ κακούργων ἢ βαρβάρων, ἐνίων δεδεμένων καὶ φθειρομένων ἐν τόποισ ὑπούλοισ καὶ νοσεροῖσ· παραβαλλομένη δὲ πρὸσ τὰ Σύλλα δημιόπρατα καὶ τὰσ περὶ τὸ πῦρ ἐργολαβίασ, ἐπιεικεστέρα φανεῖται. ταύταισ γὰρ ὁ Κράσσοσ ἀναφανδὸν ὡσ τῷ γεωργεῖν ἐχρῆτο καὶ τῷ δανείζειν·

ἃ δὲ ἔξαρνοσ ἦν ἐλεγχόμενοσ, ἐπὶ κέρδεσιν ἐν βουλῇ λέγειν καὶ τοὺσ συμμάχουσ ἀδικεῖν καὶ γύναια περιιὼν κολακεύειν καὶ συνεπικρύπτειν τοὺσ πονηρούσ, τούτων αἰτίαν οὐδὲ ψευδῆ ποτε Νικίασ ἔλαβεν, ἄλλωσ δὲ διδοὺσ καὶ προϊέμενοσ ἀργύριον ὑπὸ δειλίασ τοῖσ συκοφάνταισ ἐχλευάζετο, πρᾶγμα ποιῶν Περικλεῖ μὲν ἴσωσ καὶ Ἀριστείδῃ μὴ πρέπον, αὐτῷ δ’ ἀναγκαῖον οὐκ εὖ πεφυκότι πρὸσ τὸ θαρρεῖν. ᾧ καὶ Λυκοῦργοσ ὕστερον ὁ ῥήτωρ ἐπαρρησιάσατο πρὸσ τὸν δῆμον, αἰτίαν ἔχων ἐξωνήσασθαί τινα τῶν συκοφαντῶν·

τὴν δὲ ταῖσ δαπάναισ πολιτικώτεροσ μὲν ὁ Νικίασ ἀναθήμασι καὶ γυμνασιαρχίαισ καὶ διδασκαλίαισ χορῶν φιλοτιμούμενοσ, ὧν δ’ ὁ Κράσσοσ ἀνάλωσεν ἑστιάσασ ἅμα τοσαύτασ μυριάδασ ἀνθρώπων, εἶτα θρέψασ πάλιν, οὐδὲν ἦν μέροσ ἃ Νικίασ ἐκέκτητο σὺν οἷσ ἀνάλωσεν, ὥστε θαυμάζειν, εἴ τινα λέληθε τὸ τὴν κακίαν ἀνωμαλίαν εἶναί τινα τρόπου καὶ ἀνομολογίαν, ὁρῶντα τοὺσ αἰσχρῶσ συλλέγοντασ εἶτ’ ἀχρήστωσ ἐκχέοντασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Comparison of Nicias and Crassus, chapter 1

(플루타르코스, Comparison of Nicias and Crassus, chapter 1)

상위

목록

SEARCH

MENU NAVIGATION