Plutarch, Comparison of Nicias and Crassus, chapter 1 1:

ἐν δὲ τῇ συγκρίσει πρῶτον ὁ Νικίου πλοῦτοσ τῷ Κράσσου παραβαλλόμενοσ ἀμεμπτοτέραν ἔχει τὴν κτῆσιν. ἄλλωσ μὲν γὰρ οὐκ ἄν τισ δοκιμάσειε τὴν ἀπὸ μετάλλων ἐργασίαν, ἧσ τὰ πλεῖστα περαίνεται διὰ κακούργων ἢ βαρβάρων, ἐνίων δεδεμένων καὶ φθειρομένων ἐν τόποισ ὑπούλοισ καὶ νοσεροῖσ· παραβαλλομένη δὲ πρὸσ τὰ Σύλλα δημιόπρατα καὶ τὰσ περὶ τὸ πῦρ ἐργολαβίασ, ἐπιεικεστέρα φανεῖται.