호흡부호 보기
강세부호 보기
장단부호 보기
작은 Iota 보기
모든 부호 보기
Πρεσβύτησ ἐν Ὀλυμπίᾳ συντελουμένου τοῦ ἀγῶνοσ προθυμούμενοσ θεάσασθαι, καθέδρασ ἠπόρει· πολλοὺσ δ’ ἐπιπορευόμενοσ τόπουσ ὑβρίζετο καὶ ἐσκώπτετο, μηδενὸσ αὐτὸν παραδεχομένου· ὡσ δὲ κατὰ τοὺσ Λακεδαιμονίουσ ἧκεν, ἀνέστησαν πάντεσ οἱ παῖδεσ καὶ πολλοὶ τῶν ἀνδρῶν τοῦ τόπου ἐκχωροῦντεσ· "ὡσ ἅπαντεσ μὲν οἱ Ἕλληνεσ ἐπίστανται τὰ καλά, χρῶνται δ’ αὐτοῖσ μόνοι Λακεδαιμόνιοι. φασὶ δέ τινεσ ὅτι καὶ Ἀθήνησι τὸ αὐτὸ ἐγένετο· Παναθηναίων γὰρ ὄντων οἱ Ἀττικοὶ γέροντα προεπηλάκιζον, προσκαλούμενοι μὲν ὡσ παραδεξόμενοι, εἰ δὲ παραγένοιτο, οὐ προσδεχόμενοι· ὡσ δὲ διεξιὼν σχεδὸν ἅπαντασ ἐγένετο κατὰ τοὺσ Λακεδαιμονίων θεωρούσ, ἅπαντεσ τῶν βάθρων ἀναστάντεσ τοῦ τόπου παρεχώρουν· "ναὶ τὼ σιώ, ἴσασι μὲν οἱ Ἀθηναῖοι τὰ καλά, οὐ πράσσουσι δέ.

이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기