Plutarch, Apophthegmata Laconica, Λυσάνδρου, section 1

Λύσανδροσ, Διονυσίου τοῦ τῆσ Σικελίασ τυράννου πέμψαντοσ αὐτοῦ ταῖσ θυγατράσιν ἱμάτια πολυτελῆ, οὐκ ἔλαβεν εἰπὼν δεδιέναι, μὴ διὰ ταῦτα μᾶλλον αἰσχραὶ φανῶσιν. ἀλλ’ ὀλίγον ὕστερον πρὸσ τὸν αὐτὸν τύραννον ἐκ τῆσ αὐτῆσ πόλεωσ ἀποσταλεὶσ πρεσβευτήσ, προσπέμψαντοσ αὐτῷ τοῦ Διονυσίου δύο στολὰσ καὶ κελεύσαντοσ ἣν βούλεται ταύτην ἑλόμενον τῇ θυγατρὶ κομίζειν, αὐτὴν ἐκείνην ἔφη βέλτιον αἱρήσεσθαι· καὶ λαβὼν ἀμφοτέρασ ἀπῆλθεν.