호흡부호 보기
강세부호 보기
장단부호 보기
작은 Iota 보기
모든 부호 보기
πρὸσ οὖν τὰ τοιαῦτα τῶν νομοθετημάτων χαλεπήναντεσ οἱ εὔποροι ἐπισυνέστησαν καὶ ἐβλασφήμουν αὐτὸν καὶ ἔβαλλον, καταλεῦσαι βουλόμενοι· διωκόμενοσ δὲ διέπεσε διὰ τῆσ ἀγορᾶσ· καὶ τοὺσ μὲν ἄλλουσ ἔφθασεν εἰσ τὸ ἱερὸν τῆσ χαλκιοίκου Ἀθηνᾶσ καταφυγών Ἄλκανδροσ δὲ ἐπιστραφέντοσ αὐτοῦ διώκων τῇ βακτηρίᾳ τὸν ὀφθαλμὸν ἐξέκοψεν αὐτοῦ. τοῦτον δὲ κοινῷ δόγματι παραλαβὼν ἐπὶ τιμωρίᾳ οὔτε κακῶσ διέθηκεν οὔτε ἐμέμψατο, συνδιαιτώμενον δὲ ἔχων ἀπέδειξεν ἐπαινέτην αὑτοῦ τε καὶ τῆσ διαίτησ ἣν εἶχε σὺν αὐτῷ, καὶ καθόλου τῆσ ἀγωγῆσ ἐραστήν. τοῦ δὲ πάθουσ ὑπόμνημα ἱδρύσατο ἐν τῷ τῆσ Χαλκιοίκου τεμένει ἱερὸν Ἀθηνᾶσ, Ὀπτιλλέτιν προσαγορεύσασ· τοὺσ γὰρ ὀφθαλμοὺσ ὀπτίλλουσ οἱ τῇδε Δωριεῖσ λέγουσιν.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기