Plutarch, An Recte Dictum Sit Latenter Esse Vivendum, section 3

"μὴ διαλέγου· μηδὲ τοῖσ ἀπ’ Αἰγύπτου ξενολόγει μηδὲ τοὺσ Λαμψακηνῶν ἐφήβουσ δορυφόρει·

μηδὲ διάπεμπε βίβλουσ, πᾶσι καὶ πάσαισ ἐπιδεικνύμενοσ τὴν σοφίαν, μηδὲ διατάσσου περὶ ταφῆσ.

τί γὰρ αἱ κοιναὶ τράπεζαι; τί δ’ αἱ τῶν ἐπιτηδείων καὶ καλῶν σύνοδοι; τί δ’ αἱ τοσαῦται μυριάδεσ στίχων ἐπὶ Μητρόδωρον, ἐπ’ Ἀριστόβουλον, ἐπὶ Χαιρέδημον γραφόμεναι καὶ συντασσόμεναι φιλοπόνωσ; ἵνα μηδ’ ἀποθανόντεσ λάθωσιν, ἢ ἵν’ ἀμνηστίαν νομοθετῇσ ἀρετῇ καὶ ἀπραξίαν τέχνῃ καὶ σιωπὴν φιλοσοφίᾳ καὶ λήθην εὐπραγίᾳ;